"أرجو من الدولة تساعدنا".. أبرز تصريحات إلهام شاهين مع خالد أبو بكر في "كل يوم"
تاريخ النشر: 30th, December 2023 GMT
حلت الفنانة إلهام شاهين، ضيفة على برنامج كل يوم والذي يقدمه المحامي خالد أبو بكر عبر قناة ON، والذي حملت عنوان الرقابة وحرية الفن والإبداع.
تصريحات إلهام شاهين
وقالت إلهام شاهين: "الوسط الفني لازم نعترف إنه بقى في مشاكل كتير جدًا وإحنا بنقعد نقول الكلام ده بينا وبين بعض وبنقعد مع النقيب ونقول مشاكلنا ونستنى يجيلنا رد وإن ده يتعرض على الدولة والدولة تساعدنا وتقف معانا وتحللنا المشاكل دي.
وأضافت: "الحقيقة مفيش ردود محدش بيقول لا بس محدش بيقول أيوة، بنقعد ونعمل اجتماعات عشان نقول حلول وليه الفن بيتراجع، واحنا لازم نكون صرحاء ومنحطش راسنا في الرمل، يجي وقت بيكون في مهرجانات دولية موجودة منلاقيش فيلم مصري يمثلنا إزاي وإحنا بلد الفن، وإزاي يجي مهرجاناتنا إحنا مثلًا مهرجان القاهرة واحدة من أهم مهرجانات العالم وإحنا الدولة المستضيفة ومعندناش فيلم مصري يمثلنا.
وتابعت: “في حاجات ودول لما تصور عندهم في أي بيعتبروا إن ده دعاية للبلد ودعاية سياحية وبيدفعوا فلوس عشان نعمل ده”.
وأكملت: "وأنا عشان أصور في أماكن سياحية مهمة في مصر يعني عايزة أصور مثلًا في الأقصر وأسوان أو عايزة أروح معبد الكرنك وعايزة أتمنظر على العالم بالحضارة العظيمة المصرية، صعوبات شديدة جدًا في الموافقة وبعدين فلوس كتيرة جدًا تتدفع فالمنتج مش قادر.
وتابعت: "دي دعاية بتدفعوا للمنتج فيها فلوس، فالمنتج يقعد مع الكاتب بيقول لا بلاش الأقصر وأسوان وبلاش الأهرامات هيقولولنا بالساعة وبلاش القلعة عشان هيقولولنا بالساعة،
وأكدت: إنت عايز دعاية سياحية ولا لا ماهو الفن ده دعاية ثقافية وفكرية وسياحية، وعايزين نروج لمصر سياحيا بشكل صح ولازم تساعدونا نروج لمصر بشكل صح، وبالعكس تطالبوا الفنانين المصريين والمنتجين تعالوا صورا في الأماكن السياحية والأثرية مش تقولولنا بالساعة وندخل مين.
وشددت: "لازم تساعدونا نروج صح لمصر وللفن المصري وللسياحة المصرية، وعايزين نجيب أحدث اجهزة وأحدث كاميرات وأحدث أجهزة إضاءة وأحدث أجهزة صوت شيلوا من عليها مثلًا الجمارك، ومش هقول الدولة تدفع فلوس للانتاج بس تساعدنا يعني بلاش جمارك على المعدات المهمة لإن التكنولوجية الحديثة كل فيها جديد
وأردفت: يقولولنا مثلا لما نخش نصور في أماكن اثرية خشي صوري زي ما أنتي عايزة من غير ماندفع فلوس، ولكن بردو فلوس كتير وفي الآخر المنتج بيقول الفيلم هيتكلف كتير مش هقدر ويقعد مع الكاتب يشيل حاجات، إحنا لما بنحب بلدنا هنحب الفن لإن هو اللي بيروج لبلدنا فعايزين نحب بلدنا بشكل صح ونروجلها صح
وقالت عن السينمات: إحنا عايزين سينمات إحنا عددنا بقى 120 مليون عدد السينمات لا يتناسب مع عدد الجمهور المصري ولازم في كل محافظة عدد كبير من السينمات، ويبقى في مسرح فيه مسارح كتير متقفلة لازم المسارح تتجدد كل يوم في جديد في العالم.
واختتمت: “أنا برجو من الدولة إنها تحب الفن وتلفت ليه وتعرف قيمته وتأثيره في كل حاجة وتأثيره سياحيًا وبنتعذب عشان نصور في أماكن سياحية، وأنا وقفت لإني خسرت كتير لإني عايزة أعمل فن حقيقي مش فن تجاري وعايزة شيء محترم وأفلامي لفت مهرجانات العالم منها خلطة فوزية خد 17 جايزة دولية ويوم للستات 23 خد جايزة دولية وأنا بشرف إسم مصر بأفلام محترمة وليها قيمتها وبتنافس في مهرجانات دولية، وإسم مصر هو اللي ياخد الجايزة ولما بيتنادى على الجايزة مبيتقالش إلهام شاهين وأنا من حقي أخاف على فني وخدوا بالكوا في قلق على الفني المصري”.
المصدر: بوابة الفجر
كلمات دلالية: إلهام شاهين الفنانة إلهام شاهين برنامج كل يوم خالد أبو بكر قناة on تصريحات إلهام شاهين إلهام شاهین
إقرأ أيضاً:
تعرف على أبرز تصريحات أشرف عبد الباقي بـ برنامج Sold Out
نجح الفنان أشرف عبد الباقي في خطف الأنظار أثناء حلوله ضيفا على برنامج Sold Out الذي يقدمه الإعلامي محمود سعد عبر قناة CBC، إذ تحدث عن محطات بارزة في حياته ومسيرته الفنية، وعن شغفه الكبير بالمسرح والسينما.
وتحدث أشرف عبد الباقي عن بداياته الفنية، مؤكدا أن المسرح كان بوابته الأولى للدخول إلى عالم الفن، وقد قدم العديد من المسرحيات التي ساعدته على بناء اسمه، كما كشف أن أول ظهور له في السينما كان من خلال دور صغير في فيلم سمك لبن تمر هندي مع النجم محمود عبد العزيز، مشيرا إلى أن هذا الدور كان له الفضل في فتح الباب أمامه للمشاركة في مزيد من الأعمال السينمائية.
وقال: "حبيت المسرح والسينما من وأنا صغير، وتعلمت الأساسيات من والدي، الذي كان يهتم بكل تفاصيل عملي".
وأضاف عبد الباقي أن السبب الرئيسي كان انشغاله بمسرح مصر، الذي استمر لمدة 7 سنوات".
وتابع: "كان من الصعب جدا التفرغ لأي عمل آخر بسبب التزامي بمسرح مصر، حتى أنني قدمت مسلسل عائلة زيزو في فترة قصيرة توقفت فيها عروض المسرح، كما أضاف أنه لم يتلق عروضا مغرية للعودة إلى السينما خلال تلك الفترة".
والجدير بالذكر آخر أعمال أشرف عبد الباقي مسرحية البنك سرقوه، والتي تدور أحداثها في إطار كوميدي حول هروب مجرم خطير من السجن للتخطيط لسرقة أحد الأحجار الكريمة من البنك، يلعب عبد الباقي دور مدير البنك، ويشاركه البطولة سليمان عيد وكريم محمود عبد العزيز.
”من تحت الطاولة إلى العلن: يمن موبايل تنحاز للحوثيين وتثير ضجة في اليمن!”