إبراهيم أبو العطا يناشد أشرف زكي من خلال برنامج المنسي: عايز أشتغل وهشرفك
تاريخ النشر: 26th, March 2024 GMT
طالب الفنان إبراهيم أبو العطا، الدكتور أشرف زكي، نقيب المهن التمثيلية، بترشيحه لأعمال فنية، معربًا عن حبه الكبير للنقيب.
وقال إبراهيم أبو العطا، في لقائه مع الإعلامية إنجي هشام، في برنامج "المنسي" المذاع عبر شاشة قناة "هي": النقابة مش من صلاحيتها أنها تطلب من مخرج يشغل حد، والدكتور أشرف زكي حقاني في الموضوع ده، علشان كده أنا مطلبش منه أنه يشغلني، أنا عندي موهبة هي اللي تفرض نفسها، ولكن هو ممكن يزكي ويقول فلان الفلاني ظروفه تعبانة هاتوه في أي حاجة، ولكن أنا عمري ما لجأت له لشغل، ده رزق بتاع ربنا.
وتابع: دور النقابة الرقابة على المسلسلات وأفعال الممثلين والممثلات وجهات الإنتاج، ولما أنا أعيا النقابة تقف معايا وده حصل، وأشرف زكي هيتفكر مين ولا مين كان الله في عونه، وأنا بقوله من خلال البرنامج يا دكتور أشرف أنا بقولك أنا عايز أشتغل، ولو حبيت أنك تزقني في أي عمل هشرفك أنت اسم على مسمى أشرف وزكي.
وأضاف: دكتور أشرف زكي الساعة 4 الفجر اتصلت عليه بيرد وبيجي، وده مع الكل من أكبر نجم لأصغر زميل، وبنلاقيه في كل مكان علشان كده أنا مسميه سعادة السفير، هو سفيرنا في الوسط كله.
وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.
المصدر: بوابة الفجر
كلمات دلالية: إبراهيم أبو العطا المنسي
إقرأ أيضاً:
بخيل ومش عايز يدفع حق التاتُّو.. حنان تطلب الخلع في محكمة الأسرة
لجأت سيدة ثلاثينية تدعى “حنان”، إلى محكمة الأسرة في مصر الجديدة؛ بسبب مشكلاتها مع زوجها، حيث طلبت منه أموالا للذهاب إلى مركز تجميل، إلا أنه رفض؛ فنشبت بينهما خلافات، قامت على أثرها بطلب الخلع منه.
سردت حنان قصتها مع زوجها، قائلة: «عمري 28 عاما، وتزوجت قبل عام واحد فقط، كنت أحلم بشاب من نفس البيئة التي نشأت بها، يعلم عن الموضة والأزياء وكل شيء، وكان زوجي بالفعل لديه خبرة ليست كبيرة، ولكنه شخص متحضر ومثقف، يعلم الكثير عن الحياة، وأسلوبه محترم للغاية».
وروت حنان قصتها: «اتقدم لأهلي، ووافقوا عليه من أول مرة، واتخطبنا مدة 6 شهور بس، وبعدها عملنا فرح كبير وشيك جدا، واتجوزته، وبصراحة مكنش بيرفض لي أي طلب، وكان مهتم بيا، وكل حاجة بيني وبينه كانت كويسة، وده في فترة أول 3 شهور في الجواز، لكن بعدها اتغير».
أكملت حنان قصتها عن زوجها، قائلة «بعد 3 شهور كنت ساعات أطلب منه يشتري لي حاجات؛ كان يرفض، ويقولي حاجات تافهة، وإنه معندوش اعتراض على الفلوس، بس مش كل حاجة نشتريها وخلاص، وساعتها أنا كنت طالبة منه فلوس عشان أشتري حاجات ميك آب جديدة، وأنا سكت؛ عشان كان عندي بصراحة».
وأضافت حنان: «بعد حوالي 10 شهور جواز، قامت بيني وبينه خناقة كبيرة؛ بسبب إني طلبت منه فلوس عشان أروح مركز تجميل أعمل تاتُّو، وأركِّب برسينج، وأظبَّط الدنيا، وكل ده عشانه هو، وعشان أهتم بنفسي، لكن هو رفض، وقالي المبلغ كبير، ومش معايا الرقم ده دلوقتي، مش هينفع تروحي».
وواصلت حنان حديثها: «فضلت شهر ونص كل شوية حِجَّة شكل، لحد ما في الآخر قالي أنا مبحبش مراتي تعمل تاتو والحاجات دي، مع أني عملته في الفرح، وكان عاجبه جدا، وهو متحضر وعارف كويس الحاجات دي، ومكنش عنده مشكلة، بس مش عارفه إيه اللي حصل خلاه كده».
وأنهت حنان حديثها: «طلبت منه الانفصال في هدوء، وده بعد تدخل الأسرتين والأصدقاء، لكنه رفض، والحياة خلاص بقت بينا مستحيلة، وأنا مش هعيش مع حد قافل دماغه وبيتحكم فيا وخلاص، روحت رفعت عليه قضية خلع».
استئناف المحادثات الأميركية الصينية لنزع فتيل الحرب التجارية