أزمة كبيرة للفنانة ساندي قبل ساعات من دفن والدتها.. وطليقها كلمة السر
تاريخ النشر: 7th, April 2024 GMT
تفاجأت الفنانة ساندي علي، بمنعها من السفر إلي الخارج، أثناء تواجدها في المطار بطريقها إلى تونس لدفن جثمان والدتها، التي رحلت عن عالمنا خلال الساعات القليلة الماضية، وذلك بسبب وجود خلافات مع طليقها.
وكتبت شقيقة ساندي علي، عبر حسابها الرسمي على موقع التواصل الاجتماعي «فيس بوك»: «قولوا معايا حسبي الله ونعم الوكيل فيك يا علي يا أبو طرية، والد بنت أختي، أنا كنت الصبح في المطار مع جثمان والدتي، عشان أروح أکرمها وأدفنها بس لقيته عامل منع سفر لها»
وأضافت: «يعني لازم أنا أو ساندي منسافرش، ونرجع بالبنت مصر عشان ممنوعة من السفر، ووقع الاختيار عليا أني مروحش أدفن أمي، قولوا حسبي الله ونعم الوكيل فيك يا علي، يا أبو طرية حرمني أدفن أمي حرمني أكرم أمي حرمني أودعها حرمني».
وكانت الفنانة التونسية ساندي علي أعلنت وفاة والدتها، وذلك عبر خاصية «ستوري» على «إنستجرام»، قائلة: «توفيت إلى رحمة الله أمي الحبيبة».
المصدر: الوطن
كلمات دلالية: ساندي علي وفاة والدة ساندي علي الفنانة جنازة جثمان ساندی علی
إقرأ أيضاً:
محمد علي: الناس بتتجوز عشان فرح وشبكة وزفة ميعرفوش الحقيقة.. ومش كل الرجالة نكديين
قدّم الستاند أب كوميديان محمد علي، رؤية ساخرة وواقعية عن الزواج، مؤكدًا أن أغلب الناس تنظر إليه قبل الإقدام عليه كرحلة جميلة مليئة بالبهجة، لكنه في الحقيقة يحمل كثيرًا من التحديات والمواقف غير المتوقعة، وذلك خلال لقائه ببرنامج ست ستات، عبر قناة DMC، مع الإعلامية سالى شاهين.
وقال محمد علي: “الناس بتتجوز عشان الجواز حلو قوي قبل الجواز.. شكله كده فرح وشبكة وزفة وحاجة جميلة، لكن الحقيقة إن الجواز فعليًا عامل زي رحلة في البحر، الناس فاكرة نفسها طالعة كروز في البحر المتوسط، لكن الواقع إنهم في قارب في نص المحيط”.
وأضاف مازحًا: “في أزواج بيبقوا نكديين أو حازمين جدًا، فالست تحس إنه ما بيحبهاش، بس أول ما يحصل لها حاجة تلاقيه قاعد بيعيط على جنب زي العيال.. ده اسمه إيه؟ ده التعود، الراجل بيتعود”.
وأوضح محمد علي أن العاطفة تظل موجودة رغم ما يطرأ من فتور أو ضغوط الحياة، قائلًا: “الراجل لما بيتعود على وجود زوجته بيبقى جزء من حياته، مش عشان هو مش فارق معاه، لكن لأنه اتعود على شكل الحياة بيها وبحلاوتها”.
الستاند أب كوميديان محمد علي: مش كل الرجالة نكديين
واختتم حديثه قائلاً: “مش كل الرجالة نكديين ولا كلهم حازمين، لكن في النهاية كل علاقة ليها شكلها ونسختها الخاصة اللي محتاجة تفاهم وصبر”.
مصرع شاب صعقا بالكهرباء فى حوش عيسى بالبحيرة