اشتقت كثيرًا إلى طفولتي وصباي، والأيام الخالية من المسئولية، اشتقت كثيرا كثيرا كثيرا لدلع ماماتي، وصوتها، وحنيتها.
نفسي الزمن يرجع لورا، حياة بسيطة هادية ممتعة، أرجع من المدرسة، ألاقى ماما في استقبالي، والأكل جاهز، وأحكي لها كل اللي حصل خلال يومي برة البيت، ونقعد سوا نتفرج على التليفزيون اللى مفيهوش إلا القنوات الأولى والتانية والخامسة - الخامسة يعني قناة الإسكندرية - وكان فيه الثالثة لسكان القاهرة والرابعة لسكان مدن القناة لكن طبعا إرسالها لا يصل إلا للمدن دي - وبعد المغرب يرن جرس التليفون، أجري عشان أرد بسرعة، أسمع صوت تيته اللى كله حنية وطمأنينة، وأنادي ماما عشان تكلمها، فتقوللى هاتي التليفون، وأشيل سبت التليفون المعدن المزين بالدانتيل، وأتذمر زي كل يوم من كعبلة السلك الطويل (مين اللى كعبل السلك كده؟!) لغاية ما أنجح في المهمة الصعبة وأناول ماما التليفون، فتتكلم ساعة وأكتر، وأنا قاعدة جنبها مستمتعة بالتدخل أحيانا في كلامها!! وتخلص مكالمة تيته وتتصل بخالاتي وكل مكالمة تستغرق وقتا طويلا لتبادل الأخبار والحكايات، من غير ما الشبكة تقطع ولا الصوت يختفى ولا تيجي مكالمة تانية على الويتنج.
يا سلام على متعة المكالمات العائلية اليومية الطويلة في التليفون الأرضي الرمادي أبو قرص وسلك، قبل ما هيئة التليفونات تتطور وتعمله بزراير ورمادي برضه!! ولما ظهر التليفون اللاسلكي كان حاجة مذهلة، اختراع لا يتصوره عقل، واتفقت أنا وأخواتي، وقدمناه هدية لماما عشان تعرف تتكلم في أي مكان في البيت من غير ما يتحكم فيها طول سلك التليفون المتكعبل دايما، وأيامها انتشرت شائعة عجيبة أن اللاسلكي ممنوع، ولو الشركة اكتشفته في أي بيت هتقطع الخط وتبلغ البوليس، مش قادرة أفهم ليه كانت الناس مصدقة الكلام ده! كأنه لاسلكي للتجسس مثلا!! أعتقد أنها انعكاس لحالة الخوف من كل اختراع جديد!!
وبالرغم من كده اشترينا التليفون اللاسلكي لماما، وفرحت به جدا، ويا سلام لما تكون في المطبخ، وحد يتصل بها، فأناولها اللاسلكي بكل سهولة وأحس إني عملت إنجاز عظيم باقتراح شرائه.
والذكريات لا تنتهي..
المصدر: الأسبوع
إقرأ أيضاً:
حظك اليوم برج الجوزاء الأربعاء 22-5-2024 مهنيا وعاطفيا
يعرف مولود برج الجوزاء بأنه متسرع في قرارته عند اتخاذ قرارات مصرية خاصة، وهو شخص طموح لديه حيوية ونشاط يختلف عن الآخرين، كما أنه يمتلك مجموعة كبيرة من الأصدقاء، ويحب تكوين الصداقات في كل مكان يذهب إليه، كما أنه حساس كثيرا وعاطفي.
وفي السطور التالية نعرض توقعات حظك اليوم لمواليد برج الجوزاء الأربعاء الموافق 22 مايو 2024، على الصعيد المهني والعاطفي والصحي وفق موقع الأبراج اليومية.
حظك اليوم برج الجوزاء مهنياتنجح في إقناع من حولك بوجهة نظرك وهذا سيساعدك على حصولك على ما تريد بكل سهولة، وذلك وفق حظك اليوم لمواليد برج الجوزاء على الصعيد المهني.
تعيش لحظات لا تُنسى مع الشريك، فكن على استعداد لعيش لحظات سعيدة، فالعلاقة مستقرة كثيرا بينكما.
برج الجوزاء اليوم صحيايجب أن تبتعد عن التدخين حتى تتحسن صحتك وتصبح في أفضل حال.
الجيش الصيني ينفذ ضربات «وهمية» بعشرات المقاتلات حول «تايوان»