أحمد صيام يكشف سبب إصابته بـ سرطان الرئة (فيديو)

بعد معاناة طويلة مع سرطان الرئة، خرج الفنان أحمد صيام ليكشف عن سر إصابته بهذا المرض، مشيرا إلى أنه أصيب بـ سرطان الرئة، في سن صغير نتيجة الإفراط في التدخين.

وتحدث أحمد صيام، خلال لقائه في برنامج الستات، للإعلاميتين سهير جودة ومفيدة شيحة، عن إصابته بسرطان الرئة، قائلا: «أنا كنت مدخن شره جدًا، أحيانًا كنت بشرب 6 علب سجاير، ومستحيل تشوفيني من غير سيجارة، أول ما أصحى لغاية ما أفطر بشرب 6 أو 7 سجاير».

وتابع صيام: «جيت في لحظة صحيت من النوم بحس الدنيا مهزوزة وقتها قولت إيه اللي أنا فيه ده الوقت ده خوفت وقررت ماشربش سجاير، دخلت المكتب ورميت السجاير اللي عندي، وقولت مش هشرب تاني».

وأردف: «روحت للدكتور أكشف وبعد ما عملت التحاليل والأشعة فجأة لقيته بيقولي فيه سرطان في الرئة، مرات أخويا دكتورة قالت لي لازم ناخد عينة ونحلل ونمشي في طريق العلاج».

واستكمل: «قولت لها لا هنحلل ولا هنعمل ومتجبيش سيرة لحد وهنسيب الجثة مقفولة لغاية لما نسلمها لأصحابها، وروحت للدكتور وقال لي الورم على فص من الفصوص الثلاثة اللي في الرئة اليمين وإحنا هندخل نشيل الفص ده كله، قلت له تمام».

آخر أعمال أحمد صيام

جدير بالذكر، أن آخر أعمال أحمد صيام، كانت مشاركته في مسلسل حق عرب، بالتعاون مع النجم أحمد العوضي الذي عرض خلال موسم رمضان 2024، وحقق نجاحا كبيرا.

اقرأ أيضاًأحمد صيام يتحدث عن تفاصيل رحلته مع السرطان: كنت خايف ورفضت تلقي العلاج

أحمد صيام ينشر صورة جديدة من حفل زفاف ابنته: ربنا كرمني بأسرتي دي

أحمد عمر هاشم: الصيام يساعد في الاعتصام بحبل الله وشرعه (فيديو)

المصدر: الأسبوع