مولد النبي في بحري.. توزيع الفول النابت والأرز باللبن وحفلات رقص للخيول

ما بين توزيع الفول النابت، والخبز، والأرز باللبن، والحلوى، إلى جلسات الذكر والإنشاد. هكذا يحتفل أهالى محافظة كفر الشيخ بذكرى المولد النبوى الشريف كل عام، واعتاد أتباع الطرق الصوفية على تنظيم احتفالات سنوية فى مدن «كفر الشيخ، وبيلا، ودسوق»، تتخللها تلاوة آيات من الذكر الحكيم، بجانب التواشيح والابتهالات الدينية والمدائح النبوية والأدعية، كما يتم توزيع حلوى المولد والمشروبات والعصائر على الحضور، فضلاً عن توزيع قطع من الخبز واللبن والحلوى.

مسيرات الخيول والجمال والطبول والسيوف الخشبية المعروفة باسم «زفة المولد» كانت أكثر مظاهر الاحتفالات الشعبية التى تميز المولد النبوى الشريف فى محافظة كفر الشيخ ولكن اختفت منذ فترة، وفقاً لما ذكره نبيل الأمير السكرى، 70 عاماً، أحد أهالى مدينة بيلا: «كان لحد قريب بيكون فيه حاجة اسمها زفة المولد، كانت البلد كلها تطلع تشارك فيها، وكان فيها مسيرات الخيول والجمال، وكانت الأطفال بتركب على ظهر مقطورة الجرار ويطلعوا الزفة ولازم يكون معاهم أكياس ملح عشان يرشوا على المشاركين، بس دلوقتى المظاهر دى اختفت خالص، ولكن برضه بنحتفل بالمولد النبوى الشريف لحد دلوقتى».

 تنظيم احتفالات سنوية في مدن «كفر الشيخ وبيلا ودسوق» وتقديم العصائر والخبز واللبن للحضور

قبل حلول ذكرى المولد النبوى الشريف بأيام يبدأ أهالى كفر الشيخ تحضير بعض الأطعمة كـ«الفول النابت، والأرز باللبن»، وتوزيعها على الجيران وتقديمها لجميع الضيوف لتناولها، وفقاً لما ذكره حسن علاء، أحد أهالى مدينة دسوق: «كل سنة لازم نجهز فول السيدة زينب، ويتوزع فى المولد النبوى مع العيش البلدى اللى بيتخبز فى البيت، والفول بيكون فى طبق وعلى وشه العيش».

كما يتم أيضاً تنظيم حفلات كبيرة للرقص بالخيول، وفقاً لما ذكره السعيد الشناوى، أحد أكبر مربى الخيول بكفر الشيخ: «ننظم حفلات رقص للخيول العربية الأصيلة فى المولد النبوى الشريف كل سنة، وهو حدث مهم لأنه بيجمع مُحبى الخيول من كل أنحاء مصر، ودى احتفالية قديمة ورثناها عن أهلنا، ولازم نحييها لحد دلوقتى، وهى مش مقصورة على حد بعينه، وكل اللى عنده خيول بيشارك بيها فى الاحتفالية».

وفى الدقهلية، يبدأ إسلام الغريب الاستعداد والتجهيز لصناعة الحلوى الخاصة بالمولد، فهى مهنة ورثها عن أجداده، واستمر فى ممارسة المهنة لأكثر من 60 عاماً، وأصبح بمرور الوقت أقدم محل لبيع وصناعة حلوى المولد فى المحافظة.

وأكد «إسلام» أن المهنة لها أسرار عديدة، من بينها إتقان العمل وشراء المستلزمات الجيدة والنظافة، فضلاً عن إرضاء أذواق كل العملاء للحفاظ على هذا الكيان الصناعى الذى بدأ فى الستينات، لافتاً إلى أنه بدأ تعليم أبنائه المهنة لاستكمال مسيرة والدهم وأجدادهم: «على الرغم من التحاق أبنائى بكليات القمة، فإننى حرصت على تعليمهم كل ما يخص المهنة، لأنها حكاية تاريخ عيلة واسم بدأ فى القرن الماضى ومكمل بإذن الله».

المصدر: الوطن