فرح إسلامى.. فنان شهير معتزل يعلن خطوبته على فتاة منتقبة.. تفاصيل

أعلن الفنان المعتزل فارس حميدة  خطوبته على فتاة منتقبة من خارج الوسط الفنى عبر صفحته على موقع التواصل الاجتماعي فيسبوك. 

لديها طفل.. من هي إنجي شرف بعد إعلان خطبتها وسر اعتزالها الفن مع آل باتشينو فى الجنة.. تعليق قوى من مروة صبرى ضد شقيقتها لطفي لبيب: حرب أكتوبر أهم مرحلة في حياتي.. العدو حاصرنا 130 يوما بالكتيبة 26.

. وأتذكر جماعات دفن الشهداء.. حوار مروة صبرى عن مها أحمد: اقطعوا النت عنها كلمة مش عيب

وقال فارس حميدة : هحكيلكم حكاية جميلة جدًا.. لما روحت اتقدمت لخطيبتي وربنا يسر وجه وقت هنعمل إي في الشبكة، كان كل همي أنا وهي منرتكبش أي مخالفة شرعية.. هي من جانب لبسها، وأنا من جانب الوضع اللي هيحصل خصوصًا، إن عائلتي وعائلتها يمكن أول مرة يحضروا حاجة اسمها فرح إسلامي، كتير من الأهالي عارفين إن الفرح يعني أغاني ورقص وهيصة، وكان همي أنا وهي ندعو صحابها اللي مش محجبات حجاب شرعي، وأنا أجمع صحابي وقالت لي اتحايل على الشيخ علشان يقول كلمة في الفرح عسى إن واحدة من صحباتي تقتنع بالحجاب الشرعي، وأنا من الناحية التانية ملجم صحابي، مفيش أغاني مفيش رقص، هنلم الدنيا في هدوء، مش هنعمل حاجة حرام، واجتهدت في ذلك الحمد لله.

فارس حميدة

وأضاف فارس حميدة: كل الموضوع يا سيدي إن أنا وهي كان نفسنا نكون مثال عملي لأهلنا وصحابنا، إن الالتزام مش خنقة ولا عدم فرحة، كان نفسنا نقول لأهلنا واصحابنا إن ده الصح ودا الطبيعي مش الحرام هو الصح والطبيعي، الصورة اللي نزلتها أنا بقول لكل واحد انتقد وقال مينفعش جزاك الله كل خير وأنت صح، لكن قصاد المخالفة البسيطة دي ربنا أراد من صورة نوصل رسالة لكل الشباب أقل ما فيها، أقل ما فيهاما الأفراح الإسلامية عسل أهي، "بص قاعد بعيد عنها ازاي الله بجد" وغيره وغيره، وأخيرًا جزاكم الله خيرًا وبارك فيكم جميعًا.

المصدر: صدى البلد