فلوسى حلال ولا حرام .. عمر كمال يطالب فتوى بالرد عليه
تاريخ النشر: 13th, October 2024 GMT
نشر الفنان عمر كمال مقطع فيديو على تطبيق تيك توك يطلب فيه من الأزهر فتوى لمعرفة فلوسه سواء كانت حلال أم حرام التى يحصل عليها من الغناء والتطبيقات المختلفة، وذلك بعد الهجوم عليه بسبب أن البعض قالوا له لن تقبل أعماله الخيرية بسبب أمواله الحرام.
وقال عمر كمال مطالبات الأزهر بمعرفة أمواله حلال ام حرام : أنا مش بعمل فيديوهات خالص عمري ما عملت فيديو عشان خير وأطلع بسببها تريند، أنا مقتنع أن الخير اللي في السر ربنا بيكرم عنه أضعاف اللي في العلن، أنا ربنا كرمني آخر كرم عشان أنا علاقتي بربنا كويسة، أنا أظن ذلك.
وأضاف عمر كمال : بس أنا بجد تعبت من الناس نفسيا أوي وعايز حد من الأزهر يطلع يرد عليا ياريت أي شيخ من الأزهر يطلع يرد، أي حاجة بعملها في حياتي يطلع حد يقولي أصل معنى الكلام "ربنا طيب لا يقبل إلا طيب"، أوكي أنا بعمل إيه غلط أنا بروح أغني في فرح بفرح ناس، بروح أغني في عيد ميلاد في حفلة تخرج أنا كعمر كمال عمري في حياتي ما طلعت في لايف أو فيديو قلت بعمل خير بس أنا اللي عايز عملية بعمله أو اللي عايز يساعد في إيجار بعمله أو اللي سقف بيته مش موجود بعمله، أنا بعمل اللي أقدر عليه ".
وأوضح عمر كمال: "أنا فرقتي شايل مسئولية 50 أو 60 فرد فرقتي واللي شغالين معايا وأهلي واللي عايزين علاج، إنت بقى عملت إيه؟ أصل أنت فلوسك حرام؟ أنا فلوسي حرام بساعد بيها أنت بقى عملت إيه؟ اللي عايز يغسل كلى مرتين تلاتة في الشهر أنا عملته لكن أنت عملت ليه إيه؟ واللي سقف بيته الشتاء داخل عليه أنا ببنيه، أنت عملت إيه ؟ أنت اضطرتني أني أقول".
وأشار عمر كمال : أنا عايز أعرف من أي شيخ في الأزهر أنا بعمل خير بجيب من هنا بحط هنا، دا غلط ولا صح حد يقولي مين فينا اللي صح هما ولا إحنا، لو أنا غلط أبطل أعمل خير خالص عشان أنا تعبت نفسيا، كل شوية حد يقولي اصل أنت مش بتعمل، أصل أنت مش هيتقبل منك، أنا شايل فرقتي وشايل أسرتي وشايل السواق وعيلتي والناس اللي جيبت لها علاج وعمليات، يارب كل واحد في المجتمع يبقى زي عمر كمال كده يشيل شوية عشان محدش يبقى فقير أصلا.
وأكمل عمر كمال : أنا مش فاهم كل ما اتكلم يتقالي أنت نجحت في إيه؟ نجحت في المجال اللي عايز أنجح فيه، نجحت أني أجيب العربية اللي بحبها، نجحت أني أعيش أهلي عيشة كويسة، نجحت أن فرقتي 25 شخص وناس ببعتلهم علاج وناس بدفع لهم إيجار أنا نجحت في كده، أنت مش عايزين أنا أبعت تمام أنا فلوسي حرام، أنت هتبعت؟ ".
المصدر: صدى البلد
كلمات دلالية: الفنان عمر كمال عمر كمال اعمال عمر كمال أخبار عمر كمال اللی عایز عمر کمال
إقرأ أيضاً:
بعد حصولها على جائزة كأس إنرجي.. مي عمر: «اللي بيجي من الجمهور هو الأغلى»
أعربت الفنانة مي عمر، عبر حسابها الرسمي بموقع تداول الصور والفيديوهات «إنستجرام» عن سعادتها بحصولها على جائزة كأس «إنرجي» خلال الساعات القليلة الماضية، وذلك عقب النجاح الكبير الذي حققته بمشاركته في مسلسل «إش إش» الذي عرض ضمن أعمال موسم مسلسلات رمضان 2025.
وفي هذا السياق، شاركت مي عمر، صورة عبر حسابها على «إنستجرام»، وعلقت عليها قائلة: «شكراً لراديو إنرجي على التكريم للأسف مأقدرتش أكون موجودة و لكن شكراً من قلبي لكل حد صوت لمسلسل "إش إش" وليّا كممثلة».
كما أضافت مي عمر: «التقدير اللي بيجي من الجمهور هو أغلى وأهم جائزة ممكن أحلم بيها، الحمد لله دايماً على حبكم ودعمكم، أفضل ممثلة في مسلسل طويل - إش إش، أفضل مسلسل طويل - إش إش».
أحداث مسلسل إش إشدارت أحداث مسلسل إش إش في إطار شعبي درامي، حول إش إش «مي عمر» التي أجبرتها الحياة على العمل كراقصة شعبية رغمًا عنها، حيث إن عملها يعد مصدر الدخل الوحيد لعائلتها، ولكنها دومًا تتمرد على حياتها وتحاول النجاة منها من خلال إصرارها الشديد على تعلم اللغة الإنجليزية من اجل العمل ككول سنتر.
أبطال وصناع مسلسل إش إشمسلسل إش إش، من بطولة مي عمر، إلى جانب عدد من نجوم الفن أبرزهم: ماجد المصري، هالة صدقي، انتصار، إيهاب فهمي، إدوارد، علاء مرسي، شيماء سيف، طارق النهري، عصام السقا، دينا. والمسلسل من تأليف وإخراج محمد سامي.
اقرأ أيضاًإطلالة جذابة.. مي عمر تخطف الأنظار في أحدث ظهور بمهرجان كان 2025
مسلسل إش إش الحلقة 25.. مي عمر تقرر الانتقام من شقيقتها لبنى
« لابسة بدل رقص محتشمة».. هالة صدقي تدافع عن مي عمر في مسلسل «إش إش»
وفد سنغالي يبحث التعاون مع «ألف للتعليم»