إسعاد يونس من مهرجان الجونة: «عادل إمام جوه القلب.. ويسرا صاحبة عمري»

انطلقت منذ قليل ندوة للفنانة إسعاد يونس تديرها الفنانة يسرا، بحضور عدد كبير من النجوم والصحفيين، ضمن فعاليات اليوم الثاني من مهرجان الجونة السينمائي، السبت.

ماذا قالت إسعاد يونس عن يسرا؟

كشفت الفنانة إسعاد يونس عن بعض التفاصيل عن علاقتها بيسرا قبل الندوة التي تحاورها فيها الأخيرة، وقالت لـ بوسي شلبي في تصريحات تلفزيونية: «أنا ويسرا صحاب من زمان مقدرش أقول كام سنة لـ تضربني، مبسوطة أوي إني موجودة يارب يعجبكم الندوة، أنا مبقدرش على المهرجانات بس بتابع الجونة وبشجعه جدا وبيعجبني المود والناس نفسيتها لطيفة وهي بتعرض أفلامها كل حاجة مكتملة وجميلة، يسرا صاحبة العمر ومقدرش أرفض لها طلب وعلشانها أروح المكسيك».

صناعة السينما في مصر من وجهة نظر إسعاد يونس

وأضافت الفنانة إسعاد يونس إنها تحب في  الحوار الحديث عن صناعة السينما قائلة: «لأن طول عمرنا إن صناعة السينما في أزمة، دايمًا نفكر في الأحسن هاممني الصناعة مشاكلها كتير، زمان كنا بنشتكى من صناعة السينما وبعدين اكتشفنا إن ياريت نرجع تاني، لازم نعترف بردو إن في نقابات وغرفة صناعة موجودين لازم نحميهم هما الأول، وفي حاجات كتيرة محتاجة حماية منها جهاز النقابة».

ندوة يسرا وإسعاد يونس 

وخلال ندوة يسرا وإسعاد يونس التي بدأت بالفعل في سيني جونة، تحدثت يسرا وإسعاد يونس عن الكثير من التفاصيل منها كواليس فيلم الأفوكاتو، وتوجيه رسالة خاصة للزعيم عادل إمام إذ قالت صاحبة السعادة: «وحشنا وعشان بنحبك أوي عايزينك تبقي موجود، ودا قرارك وأكيد أنت شايف فيه راحتك عشان كدا محدش يقدر فينا يعارضك، وأنت جوه القلب والذاكرة طول حياتنا».

المصدر: الوطن