سلملى على«الشللية»

«الشللية» موجودة فى كل مكان حتى أصبحت لها قوانينها الخاصة وطقوسها الغريبة.. شوية محسوبيات ومؤامرات وتحزبات داخل بيئات العمل المُختلفة بتخلى الواحد منا يشُعر إنه يُشاهد يوميًا فيلم عربى بغيض ممنوع من العرض رقابيًا!

> انتابنى هذا الإحساس بالاستياء، بعدما شنت الفنانة «بُشرى» هجومًا حادًا بسبب تفشى ظاهرة «الشللية»، واصفةً الوسط الفنى بانه يعمل وفق منظومة «الِشلة» المُسيطرة على كافة أمور ومصالح أعضاءها دون غيرهم، الأمر الذى أدى إلى حرمان عشرات الفنانين المُتعطلين مُنذ سنوات، من الدخول إلى حلبة صراع العمل من أجل البقاء فى الحياة الفنية!

> وخلاصة الكلام التمام.

. مُجتمع « الشللية « على مستوى بيئات العمل المُختلفة، أصبح تنتشر فيه وتتوغل الوشايات والافتراءات، حيث تحتدم معارك تكسير العظام، لتتحول الكفاءة إلى «تُهمة» والإبداع إلى «نقمة»!! وللأسف اليوم باتت «الشللية» عبر منصات التواصل الاجتماعى انعكاسًا حقيقيًا لواقع «هااااى شِلة».. وسلملى على الشللية !!

آَخِر شَوْكَشَة

> لو قُلتلك: إنفراجة فى أزمة الإيجار القديم ! أكيد هتقولى : أزمة وتعدى!

> لو قُلتلك: أغنية على ذوقك! أكيد هتقولى : يا مه الغلااااااااا ع الباب!

> لو قُلتلك: الغلبان بيحلم بإيه؟! أكيد هتقولي: بيحلم بسوق العيش!

> لو قُلتلك: أهم عروض البلاك فرايدى! أكيد هتقولي: ورقة لحمة والتوصيل مجانًا!

> لو قُلتلك: فقس البيض التُركى إيه! أكيد هتقولي: كتكوت فصيح من البيضة يصيح!

> لو قُلتلك: هنلبس فى إيه مع برودة الجو ؟ أكيد هتقولي: هنلبس فى الحيط!

> لو قُلتلك: مشاهير حُقن التخسيس! أكيد هتقولي: أديهم الحقنة بسرعة!

> لو قُلتلك: الطقس المتوقع اليوم! أكيد هتقولى : شبورة دولارية حادة والجنيه مائل للتعويم!

> لو قُلتلك: فيه أعباء جديدة على المواطنين؟ أكيد هتقولي: كفاية عليهم»الصب» فى المصلحة!

> لو قُلتلك: نصيحة فى زمن التعويم! أكيد هتقولي: الدولار كتر منه والجنية متشالش همه!

> لو قُلتلك: أرتفعت أسعار السجائر الشعبية! أكيد هتقولي: حتى لا يطير دُخان الغلابة!

> لو قُلتلك: رياضة يُمارسها تُجار الأزمات؟! أكيد هتقولى : مفيش غير رياضة «رفع الأسعار»!

> لو قُلتلك: جشع التُجار التلاعب بالأوزان! أكيد هتقولى : الوزن « خيبة «!

> لو قُلتلك: تحذير ارتفاع الدولار! أكيد هتقولي: اللى إتلسع من الدولار يلعن عيشته ليل ونهار!

> لو قُلتلك: دفعت فاتورة الكهربا كاش! أكيد هتقولي: آدى آخرة الكاش» بحبحها ما تعقدهاش»!

> لو قُلتلك: الحكومة مشبعانا تصريحات؟! أكيد هتقولى : والغلابة بيصرخوا بـ «الآهات»!

> لو قُلتلك: اللحمة أسعارها إتجننت؟! أكيد هتقولى : فكرتنى بمذبحة «جنون البقر»!

> لو قُلتلك: الأسعار ليه مولعة نار؟! أكيد هتقولي: كفانا لعنة الدولار!

> لو قُلتلك: موعد تطبيق الدعم النكدى! أكيد هتقولي: «حين مفرمة»!

> لو قُلتلك: لسان حال الغلابة! أكيد هتقولي: دوام الحال من المُحال!

> لو قُلتلك: العلاقة اليوم بين الجنيه والكارنية؟ أكيد هتقولي: زى السمن ع العسل!

 

المصدر: بوابة الوفد