فوقي من الحلبة اللي بتشربيها.. ياسمين عز تنصح الفتيات بعدم الزواج لسبب صادم (تفاصيل)

تفاجئ متابعي الإعلامية ياسمين عز مساء أمس بتغيير شديد في أرائها واتجاهها نحو الوقوف في جانب الفتيات وهو عكس ما اعتاد عليه الجمهور ، فكانت دائمًا تنصف الرجل وأفعاله وتهاجم أفعال الفتيات.

وتصدرت تصريحات الإعلامية الشهيرة خلال برنامجها «كلام الناس»، المذاع عبر قناة «ام بى سى مصر» أمس تريندات مواقع التواصل الاجتماعي، وكان أبرزها نصيحتها للفتيات قائلة:" بلاش جواز".

ووقفت ياسمين عز للمرة الأولى في جانب الفتيات قائلة: «تعالوا يا بنات نفتح صفحة جديدة تحت شعار الأرض أرضى، والمدار مداري»، وأضافت  أنه يجب على البنات تغيير أهدافها مع السنة الجديدة قائلة: «بلاش جواز».

ياسمين عز: بلاش جواز

وتابعت: «البنت اللى بتتجوز بتشيل هم فوق همها حتى لو تعبانة، هيقولها عاوز اتعشى، اللى بتتجوز مش هتبقى من الـ10% المحظوظين الباقى من المنحوسين اللى مش هيعمروا فى الزواج».

وأردفت ياسمين قائلة: «اللى عاوزه تتجوز عشان تخلف حقها تتجوز وتخلف سلحف نينجا صغير، ويبقى عندها سلحف نينجا صغير وواحد كبير، إذا كان السبب هو الحب حبى نفسك الراجل مش هيحبك أكتر من نفسك وخلى صحابك يحبوكي».

ونصحت الإعلامية ياسمين عز، البنات بعدم الزواج إذا كان السبب وراءه هو أن يصبح زوجها سندًا لها  قائلة:" عاوزة البنات تفوق من الحلبة اللى بتشربها، الجواز بيزود المسؤولية والهم والمشاكل اللى عاوزة تتجوز عشان الراجل يكون ضهر، ليه هى مولودة من غير ضهر،اللى عاوزة تتجوز عشان يكون الراجل ضهر ليها، أيه السبب؟ هي إبراهيم الأبيض ماشية بتعمل مشاكل".

المصدر: بوابة الوفد