مصطفى بكري: تطوير الصعيد في عهد الرئيس السيسي رد اعتبار لأهله على ولائهم للوطن

أكد الكاتب الصحفي مصطفى بكري، عضو مجلس النواب، أن أهل الصعيد عانوا كثيرا، وأن مرحلة التطوير الكبير التي نشهدها في عهد الرئيس عبد الفتاح السيسي، هي رد اعتبار للصعيد على ولاءه وحبه للوطن.

وأكد بكري، خلال حواره مع الإعلامية «أنوار مطاوع»، مقدمة برنامج «من قلب الصعيد»، المذاع على قناة «صدى البلد 2»، :«الصعيد دايما مع الدولة من زمان، مينا كان من سوهاج، الملك أحمس كان صعيدي، الحملة الفرنسية والإنجليز كلهم عانوا مع الصعايدة، على مر التاريخ وأرض الوطن تشهد بحب الصعايدة لبلدهم».

وتابع: «مرة أنا واللواء أحمد جمال الدين، كنا بنعمل حاجة اسمها مصر بلدي، وكنا في مؤتمر هنا، ونخلص المؤتمر في أسيوط نروح ندوة في مكان تاني، المهم كانت لفة عبر بعض محافظات الصعيد، فقال لي مش ملاحظ حاجة أنا مشوفتش حيطة مكتوب عليها يسقط حكم العسكر أو أي حاجة من اللي بنشوفها في المناطق التانية اللي بتخربها الإخوان، فقلت له أهل الصعيد كلهم فاهمين معنى الأرض ومعنى الدولة، ومش هيسمحوا لحد يخرب بلدهم مهما كان مين».

وأضاف بكري: «لما جه الرئيس السيسي بدأ إجراءات عملية أكتر، وتم تنفيذ جزء كبير جدا منها على أرض الواقع»، متابعا: «أصبح فيه هناك تطوير للنقل النهري، وتطوير في الجانب الصحي والجانب التعليمي، وفي كل مناحي الحياة في الصعيد، قبل كده عشان كان فيه بطالة وفقر في الصعيد كان شبابه بيتغرب، دلوقتي كل التطوير اللي بيحصل بدأ يحل الأزمات، لإن فيه مشروعات جيدة زي مشروع المثلث الذهبي، وهيئة تنمية الصعيد».

وتابع: «احنا مش بنقول إن المشاكل اتحلت، ولكن بنقول ان احنا في الطريق الصحيح لحل المشاكل».

اقرأ أيضاً«مصطفى بكري»: المشير طنطاوي كان يقول لي سيب الناس تشتمني و يفشوا غلّهم فيا بدل ما يخربوا البلد

ذكراه دائما معي.. مصطفى بكري: أصعب لحظة في حياتي هي فقدان أخي محمود

«مصطفى بكري» يكشف كيف كانت والدته سببا في القبض عليه؟

المصدر: الأسبوع