أحمد سامي يفتح النار على التحكيم: مافيش كورة في مصر بالشكل ده

شن أحمد سامي، المدير الفني لنادي سموحة، هجومًا ناريًا على لجنة الحكام وتقنية الفيديو، بعد خسارة فريقه أمام بيراميدز في الدوري الممتاز، مؤكدًا أن ما يحدث في التحكيم المصري يثير الشكوك حول نزاهة المنافسة.

كان سموحة خسر أمام بيراميدز بهدف نظيف في الجولة الثانية عشر من عمر مسابقة الدوري. 

"ابن عزب حجاج هو اللي بعيّن الحكام"

عبّر سامي عن غضبه من حكم تقنية الفيديو، متسائلًا عن سبب عدم استدعاء الحكم لمراجعة لمسة يد واضحة، حيث قال:
"الراجل اللي قاعد على تقنية الفيديو ابن عزب حجاج اللي بعيّن الحكام، مش متخيل إنه مستدعاش الحكم يشوف اللقطة!"

وأضاف: "إحنا وجهاز بيراميدز واقفين على الخط بنعترض، فالحكم بدل ما يسمعنا، يجي يطردني أنا؟ حاجات مريبة وتخليك تشك في أي حاجة.

"

"لازم لجنة الحكام تتشال فورًا"

وطالب سامي بإقالة لجنة الحكام بالكامل، معتبرًا أن استمرارها يعني عدم وجود كرة قدم حقيقية في مصر، مؤكدًا أن سموحة تقدم بشكوى رسمية اليوم لإقالة اللجنة.

"الفار في مصر بيشتغل بالفلوماستر"

انتقد مدرب سموحة أداء غرفة تقنية الفيديو، قائلًا بسخرية:
"لازم نجيب خبير أجنبي لتطوير تقنية الفيديو بدل الناس اللي بتقعد في غرفة الفار تشرب شاي، أنا مبشوفش الخط بتاع التسلل في الدوري المصري دا في أي حتة، بحس إنه بيتعمل بـ قلم فلوماستر!"

أحمد سامي: لو بيراميدز عايز الدوري بفلوسه، يبيعوا له الدرع وخلاص

اتهم سامي التحكيم بمحاباة بيراميدز، متسائلًا عن جدوى المنافسة إذا كانت الأمور محسومة مسبقًا، قائلًا:
"الحكام هيناموا إزاي بعد اللي حصل؟ لو بيراميدز عايز يكسب الدوري بفلوسه، يبقى ليه بنلعب؟ ما يبيعوا له الدرع ونريح باقي الفرق علشان الاستثمار يكمل."

واختتم تصريحاته الغاضبة بوصف ما حدث بأنه "فضيحة"، مشيرًا إلى أن الأمر أصبح "توجيهًا علنيًا لفريق معين علشان يفوز ببطولة بعد فشله لسنوات طويلة."

المصدر: بوابة الوفد