أشغال شقة اتعرض على منتجين وممثلين مصر كلها واترفض لـ5 سنين| تفاصيل
تاريخ النشر: 5th, March 2025 GMT
تحدث الكاتب والمخرج محمد دياب، عن تفاصيل خفية حول مسلسل أشغال شقة لأول مرة.
وكتب محمد دياب عبر فيسبوك: “الحمد لله أشغال شقة للسنة التانية ينجح نجاح ساحق، بس ورا النجاح ده قصة”.
وتابع: “اشغال شقة ده لمدة خمس سنين بيتعرض علي منتجين مصر كلهم و لكن مكانش فيه حماس ليه، تقريبا معظم ممثلين مصر رفضوه رجاله و ستات.
وأضاف: “في ناس مكانتش عاجباها الفكرة و ناس كانت شايفه اننا بنكتب جد فمش هنعرف نعمل كوميدي، و ناس عايزه الفكرة بس اللي يخرجها حد تاني غير خالد”.
واستطرد: “رد الفعل ده كان هيجنن خالد وشيرين، احساس صعب لما تبقي مؤمن بحاجة واللي حواليك مش شايفنها، ساعات ده بيشككك في نفسك. اربع سنين تعدي ومينزلش لخالد وشيرين أي مشروع، الضغط خلي خالد يقبل ان اشغال شقه يتعمل ولو بمخرج تاني. خالد لأي حد يعرفه هو اكتر انسان كوميدي تقدر تعرفه وانا وشيرين كان عندنا قناعة إنه من اشغال شقه هيطلع كوميديته الخاصة اللي هتكسر الدنيا”.
وأكمل: “بصعوبة شديدة رجع خالد وشيرين يحاولوا ورا المسلسل، لغايه لما جه هشام ماجد اللي آمن بيه وبخالد كمخرج و جت شركه الإنتاج (اي برودسيرز) اللي هيأتله اسباب النجاح، اشغال شقه نجح واستخدم توليفه كتابيه مختلفة مش قايمة عالإيفيهات، وخالد كمخرج طلع عنده صوت وشخصية و رؤية بصرية باينه في كل مشهد. انا طول عمري بتفرج علي كوميديا المسلسلات وابتسم كام مرة وابقي مرضي، بس ان الواحد يضحك بصوت و لغايه لما بطنه توجعه و ده يحصل كل حلقه، فمتخيلتهاش تحصل في مسلسل”.
واختتم: “بالنسبالي المخرج والمؤلف الشاطرين هما اللي بيعملوا حاجه احس اني معرفش اعملها و انا لما بتفرج علي اشغال شقة ببقي متأكد اني معرفش اعمل منه مشهد فعلاً كل تأخيرة و فيها خيرة”.
المصدر
المصدر: صدى البلد
كلمات دلالية: هشام ماجد مسلسل أشغال شقة أسماء جلال أشغال شقة جدا المزيد أشغال شقة
إقرأ أيضاً:
لاعب الزمالك السابق: معتمد جمال نجح في أداء مهامه رغم الصعوبات
أكد خالد متولي، لاعب نادي الزمالك السابق، أن معتمد جمال بذل مجهودًا كبيرًا خلال فترة عمله مع الفريق، مشيرًا إلى أنه نجح في أداء مهامه رغم الظروف الصعبة التي أحاطت بالنادي.
وقال خالد متولي، في تصريحات لقناة الزمالك عبر برنامج "زملكاوي" مع كابتن محمد أبوالعلا، إن معتمد جمال يستحق الإشادة على ما قدمه مع الزمالك، بعدما تعامل مع العديد من التحديات الفنية والإدارية، وواصل العمل من أجل الحفاظ على استقرار الفريق.
وأضاف أن عامل الوقت لا يصب في مصلحة الزمالك قبل انطلاق الموسم الجديد، مؤكدًا أن المدرب الجديد سيكون أمام مهمة كبيرة خلال فترة الإعداد، من أجل تجهيز اللاعبين فنيًا وبدنيًا والوصول إلى أفضل جاهزية ممكنة في وقت قصير.
واختتم لاعب الزمالك السابق تصريحاته بالتأكيد على أن نجاح المرحلة المقبلة يتطلب استغلال فترة الإعداد بأفضل صورة، حتى يتمكن الفريق من الظهور بمستوى قوي والمنافسة على جميع البطولات في الموسم الجديد.
نادي الأسير الفلسطيني: ارتفاع عدد الأسيرات إلى 89 داخل السجون الصهيونية