أشغال شقة اتعرض على منتجين وممثلين مصر كلها واترفض لـ5 سنين| تفاصيل
تاريخ النشر: 5th, March 2025 GMT
تحدث الكاتب والمخرج محمد دياب، عن تفاصيل خفية حول مسلسل أشغال شقة لأول مرة.
وكتب محمد دياب عبر فيسبوك: “الحمد لله أشغال شقة للسنة التانية ينجح نجاح ساحق، بس ورا النجاح ده قصة”.
وتابع: “اشغال شقة ده لمدة خمس سنين بيتعرض علي منتجين مصر كلهم و لكن مكانش فيه حماس ليه، تقريبا معظم ممثلين مصر رفضوه رجاله و ستات.
وأضاف: “في ناس مكانتش عاجباها الفكرة و ناس كانت شايفه اننا بنكتب جد فمش هنعرف نعمل كوميدي، و ناس عايزه الفكرة بس اللي يخرجها حد تاني غير خالد”.
واستطرد: “رد الفعل ده كان هيجنن خالد وشيرين، احساس صعب لما تبقي مؤمن بحاجة واللي حواليك مش شايفنها، ساعات ده بيشككك في نفسك. اربع سنين تعدي ومينزلش لخالد وشيرين أي مشروع، الضغط خلي خالد يقبل ان اشغال شقه يتعمل ولو بمخرج تاني. خالد لأي حد يعرفه هو اكتر انسان كوميدي تقدر تعرفه وانا وشيرين كان عندنا قناعة إنه من اشغال شقه هيطلع كوميديته الخاصة اللي هتكسر الدنيا”.
وأكمل: “بصعوبة شديدة رجع خالد وشيرين يحاولوا ورا المسلسل، لغايه لما جه هشام ماجد اللي آمن بيه وبخالد كمخرج و جت شركه الإنتاج (اي برودسيرز) اللي هيأتله اسباب النجاح، اشغال شقه نجح واستخدم توليفه كتابيه مختلفة مش قايمة عالإيفيهات، وخالد كمخرج طلع عنده صوت وشخصية و رؤية بصرية باينه في كل مشهد. انا طول عمري بتفرج علي كوميديا المسلسلات وابتسم كام مرة وابقي مرضي، بس ان الواحد يضحك بصوت و لغايه لما بطنه توجعه و ده يحصل كل حلقه، فمتخيلتهاش تحصل في مسلسل”.
واختتم: “بالنسبالي المخرج والمؤلف الشاطرين هما اللي بيعملوا حاجه احس اني معرفش اعملها و انا لما بتفرج علي اشغال شقة ببقي متأكد اني معرفش اعمل منه مشهد فعلاً كل تأخيرة و فيها خيرة”.
المصدر: صدى البلد
كلمات دلالية: هشام ماجد مسلسل أشغال شقة أسماء جلال أشغال شقة جدا المزيد أشغال شقة
إقرأ أيضاً:
«بعد طرحها».. كلمات أغنية «النص اللي يخص» لـ جنات
طرحت الفنانة جنات، أولى أغنيات ألبومها الغنائي الجديد «ألوم على مين»، بعنوان «النص اللي يخص»، وذلك عبر موقع الفيديوهات «يوتيوب» وكافة المنصات الرقمية.
وأغنية «النص اللي يخص» من كلمات سيد حسن، وألحان محمود أنور، وتوزيع يوسف حسين، ومن المنتظر طرح باقي أغنيات ألبوم «ألوم على مين» يوم 6 أغسطس المقبل.
وجاءت كلمات الأغنية كالتالي:
«انت النص اللي يخص.. ومفيش غيرك انت وبس
انت اللي مليتلي حياتي.. وعملت لدنيتي حس
كان قلبي ده قبلك هو.. ودخلت أكلت الجو
حتى الأيام الصعبة.. في ثواني معاك تحلو
ده عليك العين والنني.. مجنني قاتلني مبهدلني
حوالين نفسي ملّفني.. موقفني خاطفني مكتفني».
تفاصيل ألبوم «ألوم على مين» لـ جناتيضم ألبوم «ألوم على مين»، 9 أغنيات وتقدم «جنات» من خلاله تجربة موسيقية متنوعة تمزج بين الطابع الدرامي والمقسوم، وجاءت قائمة الأغنيات كالتالي:
«النص اللي يخص
أشيك واحدة
فات بكرة
مبسوطين
من الليلة
ألوم على مين
ماليش شبه
صبري طال
كاش كاش».
وتعاونت جنات من خلال ألبومها «ألوم على مين» مع كوبة من أبرز الشعراء والملحنين، ومن أبرزهم: ملاك عادل، أدهم معتز، سيد حسن، مدين، إسلام رفعت، تيام، وعمرو الشاذلي، فيما تولى يوسف حسين توزيع النسبة الأكبر من الأغاني.
أبرز أعمال جناتطرحت الفنانة جنات في شهر أغسطس الماضي أغنية بعنوان «لو اتجوزت» عبر قناتها الرسمية على موقع التواصل الاجتماعي «يوتيوب» ومختلف المنصات الغنائية الرقمية.
أغنية «لو اتجوزت» من كلمات الشاعر الغنائي محمد مصطفى ملك، وألحان سامح كريم وتوزيع ومكس وماستر محمد مجدي، وجيتار مصطفي نصر، واكورديون محمود شاهين، والكليب من إخراج عمرو زكي.
وجاءت كلمات الأغنية كالآتي: «شوفته اتبروزت ادبست ومن نظره خلصت علي ايده فجأة اتحمست قولت وفيها ايه لو اتجوزت دانا قمت رقصت من الفرحه وف حبه احتست ده جماله اصله يدوخ خلالي قلبي مخوخ في عيونه تهت وهسهست النار واكلاني ايوه السكينة سارقاني طب اسيبه لأ قطع لساني وهلاقي انا زي ده فين شوفته اتلخبطت اتحنطت ده هيجبلي الضغط ايه اللي بيحصل بالظبط دانا قلبي خلاص شكله اتحط ايوه اتمرمط وعلي اخري في هواه اتفرهدت سواني علي نار هاديه واداني فجأه القاضيه بصراحه يعني اتظبطت».
اقرأ أيضاًبمشاركة ابنته جانا.. كليب «خطفوني» لـ عمرو دياب يتصدر التريند
حمزة نمرة يتصدر تريند «يوتيوب» بـ أغنية «شيل الشيلة»
مسلسل 220 يوم يتصدر التريند بعد عرض أولى حلقاته.. بطولة كريم فهمي وصبا مبارك
كم عمر الدرع وأبناء درع السودان وهل لديهم ثقافة حرب عمرها يتجاوز العشرين عام