محمد رجب: موافق أعمل دور شر مع رمضان واسمه يتكتب قبلي لأنه ميجا ستار

رد الفنان محمد رجب، على سؤال قوي من الاعلامية أميرة بدر ببرنامج "أسرار"، المذاع على قناة النهار، حول موقفه من العمل مع النجم محمد رمضان حال عرض العمل معه، قائلا: "موقفي مترتب على الدور من ناحية حجمه والوضع اللي هبقى في الفيلم عامل إزاي ولازم أشوف الورق الأول".

وأكد محمد رجب، خلال حواره ببرنامج "أسرار"، مع الاعلامية أميرة بدر، المذاع على قناة النهار، موافقته على تجسيد دور الشر مع محمد رمضان لكن الموضوع يكون بشكل يليق به وبحجمه، مضيفا: "بحب محمد رمضان ولو في موضوع يليق بيا وبحجمي أعمله، والمفروض اسمه يتكتب قبل إسمي على العمل".

وتابع: "محمد رمضان ميجا ستار وأنا ستار وعشان اقدر أروح المشوار اللي أنا عايزة لازم أعرف أنا قاعد فين الأول وهدفي أكون ميجا ستار وأنا بعمل اللي عليها وإنها تيجي أو متجيش شيء بتاع ربنا".

المصدر: صدى البلد