قرار قديم وخطوة عالمية.. سر اعتزال المخرج محمد سامي الدراما
تاريخ النشر: 20th, March 2025 GMT
كشف المونتير عمرو عاكف عن السبب وراء قرار المخرج محمد سامي باعتزال الإخراج، مؤكدًا أن القرار ليس حديث العهد، بل اتخذه منذ فترة طويلة وقبل بداية العام الجديد.
وأوضح عاكف، أن سامي يستعد لخطوة فنية ضخمة على المستوى العالمي ستجعله ضمن نجوم عالميين كبار، معبرًا عن فخره بكون مخرج مصري قادر على الوصول إلى هذا المستوى الرفيع.
وكتب عاكف عبر حسابه على مواقع التواصل الاجتماعي: “محمد سامي عنده خطوة كبيرة عالميًا هتخلينا كلنا نبقى فخورين إن مصري هو اللي عاملها، خطوة وسط نجوم عالميين كبار هو يستاهل يبقى وسطهم... بالتوفيق في اللي جاي يا أشطر وأغلى وأنجح مخرج وأخويا الكبير”.
وأعلن المخرج محمد سامي عن قرار اعتزاله الإخراج عبر حسابه الشخصي على موقع التواصل الاجتماعي فيسبوك.
وكتب محمد سامي :"وداعا الدراما التلفزيونية، السنة دي كانت آخر أعمالي التلفزيونية، واللي فيها بودع المسلسلات، رحلة طويلة حوالي ١٥ سنة، قدمت فيهم كل اللي قدرت عليه لإسعاد الجمهور العربي، وحققت بفضل ربنا نجاحات مع نجوم كتير ومع شركات وقنوات كلها مهمة".
وتابع : دايما الجمهور بيشجعني، سواء بردود الأفعال أو بتصويته ليا في الجوائز، وأي نجاح حققته كان بفضل ربنا والجمهور، يمكن المقربين ليا عارفين إني واخد القرار ده من فترة وهو اعتزال الإخراج التلفزيوني، ولكن كنت بنتهي من التزامات موقعة مع شركات ونجوم والحمد لله انتهيت منها وكان آخرها ٢٠٢٥، معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي ومن الوقوع في فخ التكرار ودائرة المتوقع والملل، والوحيد القادر على الدوام هو الله وحده، الحمد لله آخر عملين ليا إش إش وسيد الناس حققوا نجاح أنا سعيد بيه.
وأضاف: “كل يوم بلدي العظيمة مصر بتطلع صناع جداد موهوبين و مثقفين ويقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي، بشكر كل حد ساعدني في الرحلة وبشكر كل زميل منافسته كانت دافع للتميز، بعتذر عن أي مشهد قدمته أثناء الرحلة ولم يلقي استحسان الجمهور أو إعجابهم في الآخر الفنان دايما بيجرب والفنون جنون زي ما بيقولوا”.
وأتم :" ادعولي الفترة الجاية عندي سفر خارج مصر لفترة عامين بتعلم فيهم حاجة جديدة بدرسها، حاجة كان نفسي أتعلمها من زمان و أجلتها كتير لحد ما لقيت نفسي بكبر وخايف يفوت العمر قبل ما أعمل حاجة نفسي فيها، مقتنع إن الشخص يقدر في أي وقت يقرر يوقف حاجة بيحبها عشان يعمل حاجة تانية بيحبها برضه، وعايز يجربها بس محتاج عيلة تسانده على اتخاذ قراره، كل التوفيق لكل زمايلي وبحبكم و بشكركم على سنين المنافسة الجميلة اللي عملت أسمائنا كلنا وأتمنى لنفسي التوفيق في الخطوة الجديدة".
المصدر: صدى البلد
كلمات دلالية: محمد سامي المخرج محمد سامي اعتزال الإخراج المزيد محمد سامی
إقرأ أيضاً:
شوبير يدافع عن محمد صلاح بعد زيارته لمعبد ياباني: حرام عليكم.. دي حاجة حلوة
علّق الإعلامي أحمد شوبير على الجدل المثار حول زيارة النجم المصري محمد صلاح لأحد المعابد في اليابان، مؤكدًا أن ردود الفعل المبالغ فيها غير مبررة، وأن البعض يسعى لتشويه صورة إيجابية لنجم عالمي.
وقال شوبير في تصريحات إذاعية له:"الدنيا اتقلبت على محمد صلاح علشان زار معبد بوذي في اليابان، ده معبد من أبرز المعالم في طوكيو ومرتبط برياضة السومو والتأمل والهدوء النفسي."
وأضاف:"بوذية إيه بس الله يسترك؟ حرام عليكم، مش كده! ليه البعض بيحاول يفسد الحاجة الحلوة اللي عندنا؟"
وأشار شوبير إلى أن زيارة المعالم السياحية جزء طبيعي من أي رحلة، خاصة عندما يكون اللاعب في بلد بثقافة مختلفة كاليابان، داعيًا إلى التقدير والفهم بدلًا من إطلاق الأحكام.
لقاء جعجع – جنبلاط... تحالف انتخابي ع القطعة