اتكسرت واتلمّيت.. أسما شريف منير تحتفل بعيد ميلادها الـ 38
تاريخ النشر: 5th, April 2025 GMT
احتفلت أسما شريف منير، ابنة الفنان شريف منير بعيد ميلادها الـ 38.
وكتبت أسما عبر حسابها على موقع التواصل الاجتماعي فيسبوك: "في عيد ميلادي الـ ٣٨ النهارده مش مجرد رقم جديد، النهارده وقفة مع نفسي، وبصّة ورا على كل خطوة، كل خُسارة، كل ضحكة، وكل دمعة، عدّيت على حاجات كتير، اتكسرت واتلمّيت، اتحبيت واتخذلت، وقعت وقومت… لكن فوق كل ده، اتعلمت".
وتابعت: "٣٨ سنة… و٣٨ حاجة اتعلمتهم خلوني أبقى النسخة دي منّي وهما:
١. اللي بيسيبك وقت ضعفك ما يستحقكش وقت قوتك.
٢. الحب لوحده مش كفاية، لازم احترام وأمان ونية صافية.
٣. مفيش أغلى من راحة البال.
٤. الحدود مش قسوة، دي حب لنفسي.
٥. كل اللي حصل كان لازم يحصل عشان أوصل للي أنا عليه دلوقتي.
٦. الكتم مش قوة دايمًا، أوقات لازم أتكلم.
٧. الجمال الحقيقي جوايا مش في مراية ولا كاميرا.
٨. الناس بتتغير، وأنا كمان. وده طبيعي.
٩. ربنا عمره ما خذلني، حتى في أسوأ أيامي.
١٠. السُكوت مش دايمًا رضا، أوقات بيبقى وجع.
١١. اللي بيحبك بجد هيخليكي تحسي بالأمان مش التوتر.
١٢. اتعلمت أقول لأ من غير ما أبرر.
١٣. في حاجات كتير فقدتها، بس كسبت نفسي.
١٤. المغفرة مش معناها أرجّع الناس لحياتي، معناها أحرر قلبي.
١٥. مش لازم أكون كاملة عشان أكون كفاية.
١٦. الوقت بيكشف، والنية بتبان.
١٧. مفيش صدفة، كله ترتيب إلهي.
١٨. الكتابة أنقذتني.
١٩. لما بحب نفسي، كل حاجة حواليّ بتتغير.
٢٠. مش لازم أرد على كل حاجة.
٢١. اتعلمت أسمع صوتي قبل صوت الناس.
٢٢. كل ما كنت حقيقية، كل ما ارتحت أكتر.
٢٣. اتعلمت أقول “أنا تعبانة” من غير خجل.
٢٤. العلاقات مش كلها للأبد، بس كلها دروس.
٢٥. أتقبل التغيير، حتى لو وجعني.
٢٦. اللي راح مكانش ليّ، واللي جاي أحلى بكتير.
٢٧. لما بنضف قلبي، الدنيا بتنضف معاه.
٢٨. مش لازم كل حاجة تتقال. في حاجات بتتحس بس.
٢٩. الصوت اللي جوايا أهم من أي رأي خارجي.
٣٠. مش دايمًا الصح واضح، بس الإحساس بيقول.
٣١. اللي بيحسسني إني مش كفاية، ملوش مكان.
٣٢. الأمان الحقيقي في حضن ربنا.
٣٣. مش كل حاجة لازم أفهمها دلوقتي.
٣٤. في أوقات لازم أختفي عشان أرجع قوية.
٣٥. النجاح مش شهرة، النجاح سلام داخلي.
٣٦. اتعلمت أكون لنفسي اللي كنت مستنياها من الناس.
٣٧. لما ببطل أقاوم، الحياة بتسوقني للأحسن.
٣٨. أنا لسه بتعلم، ولسه قلبي مفتوح لكل جديد.
واختتمت: “النهاردة بحتفل بكل نسخ أكوني، وبحضن البنت اللي كانت، والست اللي بقت، واللي لسه جاية كل سنة وأنا أقرب لنفسي، وأكتر حب، وأكتر نور”.
المصدر: صدى البلد
كلمات دلالية: الفنان شريف منير أسما شريف منير عيد ميلاد المزيد کل حاجة
إقرأ أيضاً:
بعد تصدره التريند.. أبرز المعلومات عن أحمد شامل زوج أسما شريف منير | صور
استحوذ مدرب الرقص المعاصر أحمد شامل، على اهتمام قطاع كبير من الجمهور خلال الساعات القليلة الماضية، ذلك بالتزامن مع احتفاله بالزواج من الإعلامية والبلوجر أسما شريف منير أمس الجمعة في أجواء تجمع بين العائلة والأصدقاء.
ومع ارتفاع مؤشرات بحث الجمهور حول زواج أسما شريف منير وأحمد شامل، تستعرض «الأسبوع» للقراء والمتابعين في التقرير الأتي كل ما تحتاجون معرفته عن أحمد شامل.
- أحمد شامل عزمي، شاب من خارج الوسط الفني، يعمل كمدرب للرقص المعاصر.
- تمكن من تحقيق شهرة واسعة في الفترة الأخيرة، خاصة بعد خطبته لـ أسما شريف منير.
- يُعرف شامل بنشاطه في مجال الرقص المعاصر، وهو عضو بارز في فرقة «معت» للفنون المعاصرة، التي أسستها الفنانة كريمة منصور عام 1999.
- وبدأ أحمد شامل عزمي اهتمامه بالرقص في سن مبكرة، ومارس رقص «الهيب هوب» بشكل ذاتي في المنزل، معتمدًا على مقاطع الفيديو التعليمية عبر يوتيوب.
رسالة أسما شريف منير بعد زواجهاوعلقت أسما شريف منير، على احتفالها بزفافها، قائلة: «أنا الحمد لله اتجوزت، وده قرار جه بعد فترة طويلة من رحلة عشتها مع نفسي، من حاجات كتير قوي اتعلمتها، تجارب دخلت فيها، اختيارات وصلت لها».
كما أضافت أسما: «حاجات بقيت بحبها، وحاجات ما بقيتش بحبها. فهمت نفسي أكتر، اتعرفت على نفسي أكتر، فهمت أنا محتاجة إيه من الجواز، إيه المهم وإيه اللي مش مهم، إيه اللي محتاج مجهود وإيه اللي مش محتاج مجهود».
وتابعت أسما: «قعدت فترة كبيرة جداً بدعي ربنا بإنه يعوضني خير ويعوضني خير صبري، لأني كنت في الفترة دي بحاول أقصى حاجة في الدنيا إني أحافظ على نفسي وما أغضبش ربنا».
وأضافت: «حاولت إني أدعي ربنا كتير قوي إنه يقف جنبي ويختار لي، وكنت دايماً بقول: يا رب اختار لي ولا تخيرني. وكنت مركزة جداً في موضوع إني أتعامل بالتوكل، وتوكلت على ربنا تماماً تماماً في القرار ده».
اقرأ أيضا:
«عايزة أتجوز وأتستر».. أول تعليق لـ أسما شريف منير بعد احتفالها بزواجها
أسما شريف منير تحذف جميع صورها على مواقع التواصل الاجتماعي.. ما السبب؟
بعد تصدرها التريند.. أسما شريف منير ترد لأول مرة على أزمة «حلاقة شعرها» (صور)
القيادة تهنئ ملك المملكة الأردنية الهاشمية بذكرى يوم الجلوس