زيزو في جلسة مع أيمن عبدالعزيز خلال مران الزمالك.. فيديو
تاريخ النشر: 9th, April 2025 GMT
تابع أحدث الأخبار عبر تطبيق
رصدت البوابة نيوز جلسة خاصة للاعب الفريق الأول لكرة القدم بنادي الزمالك، أحمد سيد زيزو مع أيمن عبدالعزيز، مدرب الفريق، على هامش المران الذي أقيم، اليوم، بعدما تم استبعاده من لقاء ستيلينبوش الجنوب أفريقي الذي يقام غدًا في إياب الدور ربع النهائي من بطولة الكونفدرالية الإفريقية.
وقرر نادي الزمالك استبعاد زيزو بعدما تأكد من اتفاق اللاعب على كل شيء وتوقيعه على عقود مع النادي الأهلي، وأن مسألة تجديده مع المارد الأبيض أمر شبه مستحيل.
وخرج أحمد سيد مصطفى “زيزو” نجم نادي الزمالك عن صمته في ظل الشائعات التي انتشرت حول توقيعه للنادي الأهلي ورفضه تجديد عقده مع نادي الزمالك.
قال أحمد سيد زيزو، لاعب نادي الزمالك، في بيان صحفي على صفحته على موقع التواصل الإجتماعي "الحمد لله أنا راجل بحترم كل الناس.. لكن للأسف عدم ردي علي المعلومات المغلوطة والتزامي.. كل ساعة خبر عن توقيع أو تجديد عقد زيزو. وكل واحد بيغازل الشريحة اللي عايزها من الجمهور. بسبب خبر رايح وخبر جاي".
وفيما يخص توقيع زيزو لاي ناد، قال اللاعب: بكل وضوح أنا لم أوقع لأي نادي سواء داخل أو خارج مصر اللي حصل على توقيعي يتفضل يعلن.. إذا كان كلامه صحيح؟ .. كمان اللي عنده دليل على توقيعي لأي نادي برضو يتفضل يطلعه على الملأ.. الناس لازم تعرف كويس".
وأضاف أحمد زيزو: أنا بقدر جدا الكيان الكبير اللي أنا بلعب فيه.. ولا يمكن أنكر فضله عليا ولكن فيه حاجة أنا مكنتش حابب أتكلم فيها خالص.. لأنه للأسف الأمور في الإعلام كلها في إتجاه واحد.. ليه محدش اتكلم عن حقوقي المشروعة زي أي لاعب في الدنيا.. ليه محدش اتكلم إن الناس سابتني بقالها شهور طويلة ومش عايزين يجددوا عقدي. ليه محدش اتكلم عن المستحقات المتأخرة اللي ليا بقالها كتير. ومش لاقي حد يجاوبني. ليه محدش اتكلم انه التجديد المرة دي جاي في مرحلة متقدمة من عمري بالنسبة للعيبة الكورة.. ولعيب الكورة مهما طول. عمره قصير في الملعب".
واستكمل زيزو: وأكيد كل واحد فيكم عنده أسرة. وعليه التزامات كتير.. محدش كمان اتكلم إنه ربنا سبحانه وتعالى أنعم عليا بعروض مقابلها المالي 5 أضعاف العرض اللي موجود.. ورغم كل ده. قلت وهفضل أقول أنا منتظر كلمة النادي. وده لإعتبارات كتير. مش لتجميل الصورة. والجماهير لازم تكون عارفة الحقيقة.. زيزو مش بيزايد.. ولا بيتاجر.. لكن لازم الطرف التاني يكون عايزني أكمل.. وتكون فيه استجابة لربع المعروض عليا على الأقل..".
وقال في بيانه على صفحته : "للأسف الكلام معايا حاجة.. واللي بيتقال للإعلام حاجة تانية..أنا مينفعش اجرح في حد. ولا أتكلم في حق حد.. لأن اللي بيتقال في الجلسات عيب يتقال بره.. على الأقل من ناحيتي..أنا مستني رد النادي لحد آخر يوم في الكونفدرالية.. وأتمنى ربنا يكرمنا بيها أنا وزمايلي".
وأكد: "أي كلام هيتقال غير كدة في موضوع التجديد أو التوقيع قبل الموعد ده هيكون كلام غير صحيح. ورسالتي الودية جدا للمسئولين في النادي اللي أنا بحترمهم جميعا.. أتمنى الحوار في مسألة تجديد العقد يكون بيني وبينكم.. مش عن طريق الإعلام.. وأنا كنت وما زلت واضحا معاكم في كل اللي اتكلمت فيه من أمور عادلة تساعدنا على اننا نكمل الطريق.. شكرا على تفهمكم موقفي".
المصدر: البوابة نيوز
كلمات دلالية: زيزو أحمد سيد زيزو الزمالك الكونفدرالية الأفريقية لیه محدش اتکلم نادی الزمالک
إقرأ أيضاً:
رسالة نارية من الغندور للأهلي والسبب الزمالك .. إيه اللي حصل
وجه الاعلامي خالد الغندور رسالة غاضبة للأهلي بسبب انتقادات البعض بأن بيراميدز احتل مكان الزمالك الموسم السابق عبر حسابه الشخصي بموقع التواصل الإجتماعي فيسبوك.
و كتب الغندور :ناس كثير بتقولك بيراميدز خد مكان الزمالك رغم ان آخر ٥ سنوات من الدوري الزمالك حصل علي الدوري مرتين و الأهلي مرتين و بيراميدز خسر الدوري امام الأهلي بقرار من الرابطة و القضية في المحكمة الدولية
و تابع :و الاهلي طلع ثالث و اشترك في دوري الأبطال و الزمالك كسب الكاس من بيراميدز و بيراميدز كسب افريقيا من صن داونز اللي اخرج حامل اللقب الأهلي بس كده هو ما خدتش مكان الاهلي في افريقيا بس خد مكان الزمالك في الدوري.
علي الجانب الاخر ألقى البلجيكي يانيك فيريرا المدير الفني للفريق الأول لكرة القدم بنادي الزمالك، محاضرة فنية على اللاعبين داخل أرضية الملعب الفرعي باستاد الدفاع الجوي، على هامش المران الذي أقيم مساء اليوم الثلاثاء، في إطار الاستعداد للموسم الجديد.
وشرح المدير الفني بعض الأمور الفنية التي سيتم تنفيذها في الفقرة الفنية خلال المران، وحرص على منح اللاعبين بعض التعليمات.
وقام الجهاز الفني بتقسيم اللاعبين لمجموعات لخوض بعض التدريبات الخططية، قبل أن يخوض الفريق تقسيمة فنية في ختام المران، لتنفيذ ما تم التدريب عليه في الفقرة الفنية.
تعزيز الشفافية والمشاركة.. مذكرة تفاهم جديدة بين مفوضية الانتخابات ومؤسسة بحثية وطنية