باسم مرسي يُشيد بـ بيراميدز:« أفضل نادِ في مصر وقدر ياخد مكان الأهلي علشان عنده فلوس» «فيديو»
تاريخ النشر: 23rd, October 2025 GMT
تحدث باسم مرسي، نجم الزمالك السابق، عن الأزمات التي يمر بها النادي الأبيض في الوقت الحالي، مقارنًا بين أوضاع القلعة البيضاء وغريمه التقليدي الأهلي، إلى جانب تعليقاته على دخول بيراميدز بقوة في سباق المنافسة المحلية والقارية.
وخلال تصريحاته التليفزيونية عبر قناة «إم بي سي مصر»، قال باسم مرسي: «الناس كلها بتتكلم عن رحيل أشرف بن شرقي وزيزو، لكن محدش بص على الفارق الكبير بين ميزانية الأهلي والزمالك، الأهلي ميزانيته 8 مليارات، والزمالك كام مليون بس؟ النادي غارق في الديون ومفيش حد بيسانده».
وأضاف: «كل ما الزمالك يبدأ يستعيد عافيته، المجلس يتحل وتبدأ المشاكل من جديد، ليه لما صدر قرار بحل مجلس الأهلي، الوزير نفسه تدخل والمجلس رجع؟ بينما الزمالك دايمًا هو اللي يدفع الثمن».
واستكمل:«كل مرة الزمالك يقف على رجله وينافس الأهلي على البطولات، تحصل أزمات مالية ولاعبينك يمشوا للمنافس اللي عنده استقرار ودعم مالي كبير، لأن محدش بيدعمك زي ما بيدعموا الأهلي».
واستطرد موضحًا: «دلوقتي ظهر نادي ثالث عنده إمكانيات مالية ضخمة، وهو بيراميدز، ودخل المنافسة بقوة، وعلشان عنده فلوس، قدر ياخد مكان الأهلي في بعض البطولات».
واختتم حديثه قائلًا: «بيراميدز دلوقتي هو أفضل نادٍ في مصر من حيث الجاهزية والدعم المالي، وده اللي خلاه يتفوق على الأهلي ويحصد بطولات زي الكونفدرالية، والسوبر الإفريقي، والإنتركونتيننتال».
المصدر
المصدر: الأسبوع
كلمات دلالية: الأهلي بيراميدز الزمالك النادي الأهلي أزمات الزمالك الأهلي وبيراميدز باسم مرسي
إقرأ أيضاً:
"بقت مهمة علشان ماتت".. ريهام سعيد تثير الجدل برسالة عن سهام جلال
انتقدت الإعلامية ريهام سعيد ما اعتبرته حالة من الاهتمام الإعلامي الواسع بالفنانة الراحلة سهام جلال عقب وفاتها في الساعات الأولى من صباح اليوم الثلاثاء، مؤكدة أن هذا الاهتمام لم يكن موجودًا خلال حياتها، رغم معاناتها من قلة فرص العمل الفنية.
وكتبت ريهام سعيد عبر حسابها الرسمي على "فيسبوك": دلوقتي بقت مهمة وأخبارها في كل مكان؟ علشان ماتت خلاص ففي حاجة نتكلم فيها؟ علشان هنصور الجنازة والعزاء وهيدخل لنا دولارات؟".
وأضافت أن الراحلة كانت تسعى دائمًا للظهور والتواصل مع الجمهور عبر مواقع التواصل الاجتماعي، كما كانت تبحث عن فرص للعمل وإثبات موهبتها، إلا أنها لم تحظى بالدعم الكافي، على حد تعبيرها، قائلة:" "ياما كانت عايزه تظهر في فيديوهات وسوشيال ميديا وبتحاول تقول أنا أهو، بس للأسف التمثيل بالذات الناس بتتفق مين يشتغل ومين يقعد في البيت، طلبت المساعدة من الزملاء وهي عارفة إنه محدش بيساعد غير لو في مصلحة".
وتابعت: "بقت مهمة وأخبارها كتير بعد ما ماتت، بقت مهمة علشان ماتت، لكن وهي عايشة وسطينا بتحاول تقول أنا موهوبة وموجودة محدش عبرها، وخصوصًا إن اللي بيشتغل شغلنا ده مابيعرفش يشتغل حاجة تانية".
واختتمت الإعلامية ريهام سعيد قائلة: "لازم نموت عشان نتقدر، ياما خرجت محدش صورها بس دلوقتي ملمومين حوالين نعشها عشان يتسابقوا يصوروها وهي جثة. الله يرحمك، أكيد رحتي للأحسن والأعظم والأرحم".
محللون يشرحون دلالات الظهور الدولي الأول لوزير الدفاع الأفغاني بموسكو