ميدو: محدش بيساعد حد في الكرة المصرية وعايزين كل الناس تفشل

أعرب الإعلامي أحمد حسام ميدو، عن اعتراضه الكبير على عدم وجود تنسيق بين الاتحاد والأندية خاصة في الفترة القادمة استعدادًا لكأس العرب ومواصلة الدوري ودوري أبطال إفريقيا.

وقال ميدو: "المنتخب هدفه يدخلك فلوس وممكن لاعب يلمع ويظهر خصوصا في المنتخب المحلي، الفرق بيننا وبين الخارج أن اللاعبين يحصلوا على كل مقومات النجاح من راحة وتدريب مثالي ونظام خاص بالغذاء والنوم".

وواصل:" نعاني من عشوائية كبيرة في إدارة كرة القدم كل واحد شغال لوحده، والغريب ان رابطة الأندية حطوا جدول الدوري وكل حاجة من غير ما يحسبوا بطولة كأس العرب اللي هي مهمة وبيمثلها منتخب وللأسف كل واحد عايز يشوف التاني بيفشل ومحدش عايز يساعد حد".

وأردف:" في استياء كبير في اتحاد الكرة من تصريحات كابتن حلمي طولان، والسؤال هنا انت ليه مبلغتش كل فريق ان في مباريات في الوقت دا قبل بداية الموسم وانك هتكون محتاج اللاعيبة دي للتنسيق من الأول بين كل الأطراف".

وأتم:" الخطاب اللي تم ارساله للزمالك محدش كان يعرف حاجة عنه، بتمنى أتكلم على كرة القدم لكن السؤال المهم أين هي كرة القدم؟".

المصدر: بوابة الوفد