«مش هيلاقي حاجة يكتبها».. وليد صلاح الدين يكشف كواليس مشادته مع محمود بسيوني بعد مباراة بتروجت

كشف وليد صلاح الدين، مدير الكرة في النادي الأهلي، تفاصيل مشادته مع محمود بسيوني حكم لقاء بتروجت في الدوري المصري.

وتعادل الأهلي مع نظيره بتروجيت في المباراة التي جمعت الفريقين مساء أمس الأربعاء، ضمن مجريات الجولة 12 من عمر البطولة.

وقال صلاح الدين في تصريحات عبر قناة الأهلي: «اللي حصل بالظبط إني منزلتش ومستحيل طبعا أقول لفظ للحكم، وكابتن محمود بسيوني مش هيلاقي حاجة يكتبها في التقرير».

وتابع: «وأنا نازل قولتله بالظبط أنت حسبت 9 دقائق وقت بدل من الضائع، في 4 أو 5 دقائق ضاعوا في إن حارس المرمى والاتنين لاعيبة وقعوا، إدينا بس حقنا، كلام منطقي وبهدوء».

وأضاف: «وأحمد عبد القادر كان بيتكلم عن الضربة الركنية في الدقائق الأخيرة ودا حقنا أنا كان ممكن أسجل منها جول وبالتالي إديني حقي بس، وبالنسبة للحكام في حاجة اسمها رتم بيتكسر جوه المباراة كذا مرة، الفكرة مش في التوقيت بس، الأندية اللي بتلعب أمام الأهلي بيكونوا عايزين يكسروا الرتم دا».

وواصل: «أنت حكم مش بتبقي واخد بالك وبتقولي هعوضلك في الوقت بدل من الضائع، بس حارس المرمى بيقع ليه، من غير أي حاجة، لما يعمل كدا روح إديله إنذار، الحكام لازم تفهم قصة الرتم دي، وكل فاول وضربة مرمى بتاخد وقت».

المصدر: الأسبوع