أخطر 10 تصريحات لـ محمد صلاح بعد تعثر ليفربول بالدوري الإنجليزي | ماذا قال؟
تاريخ النشر: 7th, December 2025 GMT
أثار محمد صلاح، نجم فريق ليفربول الإنجليزي، الجدل إثر التصريحات الهجومية التي أطلقها عبر وسائل الإعلام بعد مباراة ليفربول وليدز يونايتد في الدوري الإنجليزي الممتاز.
. محمد صلاح: لا أعرف لماذا أتحمّل اللوم رغم ما قدّمته للنادي؟
وتعادل فريق ليفربول مع نظيره ليدز يونايتد بثلاثة أهداف لكل منهما، في المباراة التي جمعت بينهما مساء أمس السبت، ضمن منافسات بطولة الدوري الإنجليزي.
وقال محمد صلاح في تصريحات صحفية: "النتيجة دي محبطة لينا كفريق، لإننا كنا متوقعين نكسب ماتش زي ده، وسجلنا هدفين في الأول، والماتش كان ماشي في صالحنا، بس استقبلنا أهداف سهلة… وأهداف كنا بنستقبلها حتى وأنا بلعب".
وتابع صلاح: "أنا مش بستخدم اللي حصل عشان أدافع عن نفسي؛ لإننا كنا بنستقبل الأهداف دي وأنا في الملعب برضه. وأنا قاعد على الدكة 90 دقيقة… أظن دي أول مرة في مسيرتي يحصل فيها 3 ماتشات ورا بعض كده، وأنا محبط جدًا".
وأضاف: "أنا محبط جدًا… جدًا. أنا قدمت كتير أوي للنادي، والكل شايف ده خلال السنين اللي فاتت، خصوصًا الموسم اللي فات. بس النهارده أنا قاعد احتياطي… ومش عارف ليه".
وواصل: "حاسس إن النادي بيرميني تحت الأتوبيس… ده الإحساس اللي عندي. وواضح جدًا إن في حد عايز يحط اللوم كله عليّا".
وأكمل: "النادي وعدني في الصيف بوعود كتير… ولا وعد واحد اتنفذ لحد دلوقتي. وأقدر أقول إنهم سايبين الوعود دي في مكان تاني. وعلاقتي بالمدرب كانت ممتازة… دلوقتي بعد اللي حصل، مفيش علاقة".
وأردف: "مش عارف السبب… بس ممكن يكون في حد مش عايزني في النادي. وأنا هفضل أحب ليفربول على طول، وعيالي كمان هيحبوه. أنا بحب ليفربول جدًا وهشجعه على طول".
واستطرد: "كلمت أمي امبارح… هي مكنتش عارفة إني مش هلعب أساسي، بس أنا كنت عارف. وقلت لها: تعالي ماتش برايتون، سواء لعبت أو ملعبتش… هستمتع بيها وهنشوف اللي هيحصل. في دماغي، هقضيها استمتاع؛ لإن بصراحة مش عارف إيه اللي هيحصل".
وقال صلاح أيضًا: "الماتش ده في آنفيلد، وده هيبقى وداعي قبل ما أروح أمم إفريقيا. وأنا مش عارف ليه أنا في الوضع ده دلوقتي. وأي نادي تاني كان هيحمي لاعبه".
وواصل: "واضح إن في حد عايز يطلعني إني المشكلة… بس ببساطة: أنا مش المشكلة. وأنا قدمت كتير للنادي ده… وأستحق احترام أكتر من كده. ومش المفروض أروح كل يوم أقاتل على مركزي… لإن أنا كسبته".
واختتم صلاح حديثه قائلًا: "الناس هتقول: إنت مش أكبر من النادي… ماشي، أنا فعلًا مش أكبر من حد. بس أنا كويس في مركزي اللي كسبته بنفسي… وده بالنسبة ليا كل الموضوع".
المصدر
المصدر: صدى البلد
كلمات دلالية: محمد صلاح ليفربول الدورى الانجليزى اخبار الرياضة كورة عالمية محمد صلاح مش عارف
إقرأ أيضاً:
محمد صلاح يحدد 3 مطالب للانتقال إلى الدوري السعودي
كشفت تقارير إعلامية عن موافقة مبدئية للنجم المصري Mohamed Salah على خوض تجربة الاحتراف في الدوري السعودي، لكن وفق مجموعة من الشروط التي يرى أنها ضرورية لإتمام الصفقة.
وبحسب المصادر، تلقى قائد منتخب مصر عرضاً للانضمام إلى أحد أندية الدوري السعودي، إلا أن المقابل المالي المطروح جاء أقل من العرض الذي سبق أن تلقاه قبل تجديد عقده مع نادي Liverpool FC.
وأشارت التقارير إلى أن صلاح اشترط الحصول على راتب سنوي ومزايا مالية تتناسب مع مكانته وقيمته التسويقية، إلى جانب توقيع عقد يمتد لموسمين أو ثلاثة مواسم لضمان الاستقرار في المرحلة المقبلة من مسيرته.
كما وضع النجم المصري شرطاً ثالثاً يتمثل في الانتقال إلى نادٍ يمتلك مشروعاً رياضياً قادراً على المنافسة على الألقاب والبطولات الكبرى، وليس الاكتفاء بالمشاركة فقط.
ويأتي ذلك في ظل ترقب واسع لمستقبل صلاح بعد انتهاء رحلته مع ليفربول، التي استمرت تسعة مواسم حافلة بالإنجازات والأرقام القياسية، بينما شهد موسم 2025-2026 تراجعاً تهديفياً مقارنة بمواسمه السابقة، إذ سجل 7 أهداف فقط في الدوري الإنجليزي، وهي أقل حصيلة له منذ انضمامه إلى الفريق.
محللون يشرحون دلالات الظهور الدولي الأول لوزير الدفاع الأفغاني بموسكو