تامر حسني يواسي أحمد عبدالحميد بعد وفاة ابنته

حرص الفنان تامر حسني على مواساة الفنان أحمد عبدالحميد، بعد إعلانه وفاة ابنته عقب أسبوعين من وفاة والده الماكيير محمد عبدالحليم، وكتب تامر حسني عبر ستوري موقع تبادل الفيديوهات والصور إنستجرام: “أحمد يا حبيبي ربنا أكيد بيحبك وبيحبهم وله في ذلك حكم لا يعلمها إلا هو، بس لازم تتأكد أن الحكمة دي في صالح الجميع يمكن متعرفش ده في الدنيا دلوقتي، بس لازم تعرف أن الدنيا كلها ولا تسوي، واسمها دار شقاء يعني احنا في الدنيا هنتعب بس”.

رسالة تامر حسني لأحمد عبد الحميد 

 

وأضاف تامر قائلا: “عند ربنا في كل الخير بس هما دلوقتي في الرحمة كلها، مش بيشوفوا أي شقاء بإذن الله، بابا طول عمره راجل محترم والناس كلها بتحبه وبنتك ملاك كان لسه مولود، ربنا يصبّرك ويقوي قلبك، ده امتحانك الصعب اللي هتعدي منه بإيمانك أنت ومامت بنتك وكل أهلك”.

واختتم تامر قائلا: “يا حبيبي هو امتحان صعب بس أنت متربي صح وراجل مؤمن، أحمد يا أحمد يا حبيبي وأفرح وأفخر بأن ربنا بيحبك أوي أوي أوي" 

المصدر: بوابة الفجر