الشياطين في خدمة جنجويد إعلام فقدو الشغف

الشياطين في خدمة جنجويد إعلام فقدو الشغف:
يبدو أن الدجاج الألكتروني بتاع الحلف الجنجويدي ضربو مرض سمير ومعظمو مات. لانو الأيام دي ملاحظ هجوم علي بوستاتي مستحيل يكون من زول حي ياكل ويشرب ويمشي في الأسواق ويكذب كجنجويدي عادي.. لانو الهجوم بيكون أوف بصورة غريبة من روح البوست. ودة بيرجح أنو هجوم من بوتات ذكاء إصطناعي.

والاحتمال ده زاد لما لاحظت أنو لما أرد عليهم بمساخة تليق بيكون ردهم ميتان وما فيهو أي شغف بتاع زول حيي عندو إحساس يمكن زعلان من مساختى أو فرحان بانتصارو علي. مكنة يعني أو بوت آلي.

من زمان ملاحظ أنو كتاب الحلف الجنجويدي مدعومين بألاف اللايكات واحيانا التعليقات من غرف إرتزاق إلكتروني وبوتات – وهذا هو المعادل الشيطاني للملائكة التي تدعم المؤمنين.
المهم، تقول الأساطير أنو الفنان محمد أحمد عوض زمان، سنة آس، مشا مصر علاج وحضر حفلة في المسرح لأم كلثوم. لما رجع الإذاعة عملت معاهو لقاء وحمد الله عا السلامة وكدة. المذيع سال محمد أحمد عوض عن رايو في أم كلثوم. فقال ليهو والله ما بطالة لكن موسيقتها صفافيرها كتيرة، لكن علي بالطلاق عندها بتاع بنقز لو لقيتو أطير بيهو السما.

فحسي كتاب الحلف الجنجويدي عندهم غرف إعلام وبوتات داعمة من الهند والسند وعبرستان علي الطلاق لو لقيت نصهم أطير بيهم السما.
معتصم اقرع معتصم اقرع

إنضم لقناة النيلين على واتساب

Promotion Content

أعشاب ونباتات           رجيم وأنظمة غذائية            لحوم وأسماك

2026/01/18 فيسبوك ‫X لينكدإن واتساب تيلقرام مشاركة عبر البريد طباعة مقالات ذات صلة نور الدائم نموذج حقيقي للدناءة والخسة2026/01/18 الأستاذ أحمد كمال الدين فى رحاب الله2026/01/17 فاصل إقتصاد جيوسياسي ذهبي2026/01/17 لماذا لم تكن القيادة حريصة على الخلاص من الثنائي ال دقلو2026/01/17 إسحق أحمد فضل الله يكتب: (حوارات)2026/01/17 إبراهيم شقلاوي يكتب: كيف أعاد فولكر تورك تعريف حرب السودان؟2026/01/17شاهد أيضاً إغلاق رأي ومقالات حين يقترن العجز بالنحس في ناس أمهم ما راضية عنهم 2026/01/17

الحقوق محفوظة النيلين 2026بنود الاستخدامسياسة الخصوصيةروابطة مهمة فيسبوك ‫X ماسنجر ماسنجر واتساب إغلاق البحث عن: فيسبوك إغلاق بحث عن

المصدر: موقع النيلين