حلها يا مستر ترامب… بَلْكي عَ إيدَك تِحِلّ - سعيد أبو غـــــــــزة

حلّها يا مستر ترامب

بلّكي ع إيدك تِحلّ

غزة يا زلمة غالية

مش خط أصفر على خريطة ذُل

حلّها يا مستر ترامب

قال بدك تعمل حلّ؟

غزة لو تهدمها الدنيا

بترجع قوية وما بتِنذَلّ

حلّها يا مستر ترامب

شو هالأطروحات المغلوطة؟

غزة ما بتمشي بالقوات الأجنبية

ولا بتعيش مجبورة ومكسورة

حلّها يا مستر ترامب

بلّكي ع إيدك تِحلّ

غزة يا زلمة عفية

ما بتمشي بالوصاية

ولا شرقية ولا غربية

هي وطنية فلسطينية

حلّها يا مستر ترامب

حلّها… بلّكي ع إيدك تِحلّ

غزة في وجه العاصفة واقفة

والشمس من عندها تِطلّ

وحلّها يا مستر ترامب

حلّها… بلّكي ع ايدك تِحلّ

مستوحاة من قصيدة دبرها يا مستر دل، رحم الله شاعرنا الثائر نوح إبراهيم شاعر ثورة 36.

قيلت قصيدة "دبرها يا مستر دل" في خضم الثورة الفلسطينية الكبرى عام 1936، كتبها الشاعر الشعبي الفلسطيني نوح إبراهيم، وتوجه فيها رسالة تهكمية إلى الضابط البريطاني "ديل" (Mr. Dill) الذي أرسلته بريطانيا لقمع الثورة، مؤكدًا أن الثوار سيهزمون الاحتلال ولن يستطيع المستعمر إخماد المقاومة

المصدر : وكالة سوا اشترك في القائمة البريدية ليصلك آخر الأخبار وكل ما هو جديد المزيد من ثقافة افتتاح الدورة الأولى لمهرجان غزة الدولي لسينما المرأة من دير البلح فارس صالح يمثل فلسطين في مسابقة "أمير الشعراء" بقصيدة "نشيد الخلود" إعلان بينالي غزة 2024 - 2025 الأكثر قراءة قـبـيـلـة «فـتـح» ..! مؤتمر «فتح» الثامن: قضايا واجبة الحلو يكشف أرقاماً خيالية لأسعار الوقود في قطاع غزة الاحتلال يغتال مواطناً في الخليل ويحتجز جثمانه عاجل

جميع الحقوق محفوظة لوكالة سوا الإخبارية @ 2026

المصدر: وكالة سوا الإخبارية