شوبير ينتقد مجلس الزمالك بعد أزمات إيقاف القيد: «لو مش قادر تدير امشي»

تحدث الإعلامي أحمد شوبير، نجم الأهلي السابق، على أزمات القيد التي يتعرض لها الفريق الأول لكرة القدم بنادي الزمالك، خلال الآونة الأخيرة.

وكانت الاتحاد الدولي لكرة القدم «فيفا»، مساء أمس، قد اتخذ قرارًا بإيقاف قيد جديد ضد نادي الزمالك، بسبب المستحقات المتأخرة لنادي أولكساندريا الأوكراني، الفريق السابق للاعب البرازيلي خوان بيزيرا.

وقال أحمد شوبير، في تصريحات تليفزيونية عبر قناة النهار: «مش معقولة كل أسبوع ألاقي قرار إيقاف قيد لـ نادي الزمالك، 10 قضايا آخر النادي بتاع خوان بيزيزا أولكساندريا الأوكراني، لأ الزمالك ميستاهلش كدة».

وأضاف: «كل الإيقافات دي من المجلس الحالي لـ نادي الزمالك، سواء شيكو بانزا أو جوميز أو غيرهم، باستثناء فرجاني ساسي».

وتابع: «لسه في كمان إبراهيما نداي لإنه ليه مستحقات، الأندية لا تدار هكذا الزمالك لازم يسدد للعيبة دول فلوسهم قبل 8 فبراير عشان يقدر يفك القيد ويجيب صفقات».

وأردف: «ليه بتزعلوا لما اللعيبة بتطلب تمشي، اللعيب ده ليه سن وهيبطل وبيحتاج يأمن نفسه ومستقبله، هو ليه أسرة وعائلة، وبالتالي لازم تديله مستحقاته وهو مش هيمشي».

واختتم شوبير حديثه قائلًا: «مينفعش يا جماعة كدة الزمالك من أكبر الأندية في مصر وأفريقيا، حضرتك لو مش قادر تدير قول أنا كفاية كدة وأمشي».

المصدر: الأسبوع