3 لاعبين قنبلة موقوتة.. مهيب عبد الهادي يحذر الأهلي من تكرار أزمة إمام عاشور
تاريخ النشر: 30th, January 2026 GMT
كشف الإعلامي مهيب عبدالهادي كواليس وتفاصيل جديدة بشأن غياب إمام عاشور عن مرافقة بعثة الأهلي فى رحلة تنزانيا.
وقال مهيب عبد الهادي عبر برنامج اللعيب على قناة إم بي سي مصر: شفنا كلنا النهارده اللي حصل من إمام عاشور وتخلفه عن رحلة النادي الأهلي في تنزانيا.. كل الناس صحيت الصبح قالت فين إمام عاشور؟ حتى النادي الأهلي نفسه كان بيدور عليه في سابقة لم تحدث من قبل.
وتابع: إمام عاشور قنبلة موقوتة في النادي الأهلي، والكلام ده مش جديد، أنا قلته بدل المرة ألف.. إمام عاشور صاحبي وحبيبي، لكن ما حدث مع وسام أبو علي يحدث الآن مع إمام عاشور، من خلال وكيل لعيبة واحد وكلمة السر أمريكا.
وأضاف: القيد مستمر في أمريكا لحد 26 مارس، وده وسيلة ضغط لإرداج النادي الأهلي على قبول العرض الأمريكي،واللي حصل مع النادي الأهلي النهارده لا يحدث مع نادي بقيمته وتاريخه.. أياً كان رد الفعل، أقوى عقوبة مالية ولا تهمني، انسى مليون ونص وانسى أسبوعين.. يا باشا ده عرض للبيع .. محدش يلوي دراع النادي الأهلي.
وأردف: كل الكواليس كانت بتقول إن هناك أزمة شديدة بين إمام وإدارة النادي الأهلي منذ قدوم أحمد سيد زيزو ومحمود حسن تريزيجيه اللعيبة بتبص لبعض وده كلام معلوم ومعروف،إنت بتدي واحد 10 وأنا باخد 2 مش هسكت، مش هسكت.
واستطرد: الكلام ده مش إمام بس، ده في حسين الشحات ومروان عطية وشوبير وناس كتير جداً وقولنا الكلام ده من زمان والناس مكنتش بتصدقنا، اللعيب يبقى في مهمة خارج البلد وتعتبر مهمة شبه وطنية وتوقيت مهم جداً وما يروحش مع الفريق؟ ما ينفعش، في حاجة غلط، عنده عرض؟ ألف سلامة، يا إما يقعد بشروط النادي الأهلي يكمل عقده ومع السلامة .
واختتم: النادي الأهلي مبيقفش على لعيب، والله لو إمام وغير إمام وسبعة تمانية إمام، وسته سبعه زيزو ،الأهلي أكبر من كل ده النهارده إمام وصل رسالة بقول عليها من 6 شهور، ووكيله بينفذ كل ما يطلبه منه، الموضوع محتاج العقل والتدبير في النادي الأهلي لأن اللي بيحصل غير طبيعي وليس من عادات النادي الأهلي إن اللعيب يتغيب عن بعثة، كارثة كبيرة لا تضاهيها أي عقوبة مالية.
المصدر
المصدر: صدى البلد
كلمات دلالية: مهيب عبدالهادي إمام عاشور تنزانيا ازمه امام عاشور النادی الأهلی إمام عاشور
إقرأ أيضاً:
خمسة قتلى في إندونيسيا بانفجار قنبلة من مخلفات الحرب العالمية الثانية
قتل خمسة أشخاص وأصيب نحو عشرون آخرون، إثر انفجار قنبلة يُشتبه بأنها من مخلفات الحرب العالمية الثانية تحت بيت في قرية صيد إندونيسية.
ووقع الانفجار بعد ظهر أمس الأحد في إقليم بابوا في شرق إندونيسيا الذي يشهد حركة تمرّد، وتسبب في كرة من اللهب تلتها سحابة دخان كثيفة، بحسب لقطات لوسائل إعلام محلية.
وأسفر الحادث عن تدمير تسعة بيوت.
ونقلت وكالة “فرانس برس” عن المتحدث باسم الشرطة قوله إنه “يُشتبه في أن يكون مصدر الانفجار قنبلة من مخلفات الحرب العالمية الثانية”.
وما زال ثلاثة أشخاص في عداد المفقودين، وتلقى 19 شخصا علاجات من إصابات طفيفة. وام
محللون يشرحون دلالات الظهور الدولي الأول لوزير الدفاع الأفغاني بموسكو