«مين اللي بيحرض على الفتنة».. خالد الغندور يوجه رسائل نارية لـ أسامة حسني بعد تتويج الأهلي بالدوري

وجه خالد الغندور نجم الزمالك السابق، رسائل نارية إلى أسامة حسني، مهاجم النادي الأهلي السابق، وذلك بعد تتويج الفريق الأول لكرة القدم ببطولة الدوري للمرة الـ43 في تاريخه.

أخبار متعلقة

ميتلاند يرفض طلب الأهلي.. شوبير يكشف تطورًا جديدًا بشأن صفقة إمام عاشور

«لقاء القمة».. مباراة الأهلى والزمالك في الدوري (الموعد والقنوات الناقلة والتشكيل المتوقع)

وقال خالد الغندور، في تصريحات تليفزويونية عبر فضائية «الزمالك»: «النادي الأهلي استحق التتويج ببطولة الدوري، فهو كان الفريق الأفضل هذا الموسم، عكس فريق الزمالك ، كان بعيدًا عن مستواه الفني في معظم مباريات الموسم».

وأضاف: «احنا هنا في قناة الزمالك بنقول للأهلي مبروك الفوز بالدوري الأهلي استحق الفوز بالدوري عن جدارة واستحقاق، على عكس أسامة حسني، إللي لما الزمالك فاز بالدوري، كان بيقول (الدوري موجه، دوري شيلونجو، الإسماعيلي بيفوت للزمالك، الزمالك كسب الدوري عشان الأهلي وحش والتحكيم مظبط الزمالك)، ده اللي كان بيتقال».

وتسائل خالد الغندور،: «مين إللي عنده مؤامرة مين اللي بيحرض على الفتنة والتعصب؟ أنا بقول إن احنا خسرنا الدوري عشان مكناش موفقين وكنا وحشين، احنا لم نكن موفقين مش كورة بس».

وتابع: «انت بتفقد الدوري (الأهلي)، والزمالك بياخده وانت عندك كل أنواع الاستقرار الإداري والإعلام بيساندك، والمسؤولين في الرياضة المصرية بيخافوا منك وبيعملولك ألف حساب وبيوقفوا الحكام عشانك، ويقعد الحكم سنة ميحكمش حتى لو قراره سليم زي محمود عاشور».

وأتم: «احنا عودنا الحكم المصري أوعى تغلط ضد الأهلي، لو غلط هتقعد في بيتكم، اغلط للنادي الأهلي هتستمر في التحكيم مفيش مشكلة، لأن الإعلام مش هيعمل (سبوت) على غلطة للفريق المنافس الذي يواجه الأهلي».

الاهلي الزمالك خالد الغندور اسامة حسني

المصدر: المصري اليوم