شاهد بالصور.. الشاعرة داليا الياس تخطف الأضواء على مواقع التواصل بلقطات وسط جنود الجيش: (أنا زولة بحب الجيش جداً وأي زول بيعرفني كويس عارف إني كنت شرطية في يوم من الأيام)
تاريخ النشر: 20th, September 2024 GMT
خطفت الشاعرة والصحفية السودانية المعروفة داليا الياس, الأضواء على مواقع التواصل الاجتماعي ببلادها بصور قامت بنشرها عبر حسابها الرسمي على فيسبوك.
وبحسب رصد ومتابعة محرر موقع النيلين, فقد ظهرت داليا الياس, في الصور التي قامت بنشرها وهي تتوسط جنود وضباط الجيش, في إحدى الإحتفالات القديمة للقوات المسلحة قبل الحرب.
وكتبت الشاعرة المعروفة بدعمها ومساندتها للجيش تدوينة وجدت تفاعل كبير من متابعيها عبر حسابها المتابع قالت فيها:
أنا زولة بحب الجيش جداً… حب فطري خالص…وجواي يقين وإيمان مطلق بالعقيدة العسكرية… وآليت علي نفسي أن أدعمه وأسانده بكل ما أستطيع في كل الظروف… وتقديري للقوات المسلحة السودانية بكل مؤسساتها قديم وراسخ ولا يتعلق بحرب الكرامة فحسب… وأي زول بيعرفني كويس عارف إني كنت شرطية في يوم من الأيام وإني مابقبل كلمة في عموم القوات النظامية وحتي بعد غادرت الشرطة ظللت أنافح بالقلم والصوت المسموع كلما سنحت السوانح دون من أو أذي.
وما محتاجة أبداً عشان أثبت المحبة دي لي إني ألبس (ميري) ولا أظهر بي (كاكي) في أي موقف عشان يصدقوني مثلاً…!!
(الكاكي) ده شعار دولة لبسه مشروط بي شروط محددة.. ومحتاجنه الجنود وصف الجنود الأحسن مني وأحوج وأجدر!!
وما حسيت للحظة إنو التوب السوداني ولا حتي العباية ولا الكاجول ممكن ينقصوا من شرف ولائي للجيش أو قوتي في حق الوطن والمواطن… ولا حسيت من رجال القوات النظامية إنهم ما مقدرين وقفتي أو ما وصلهم شعوري لأني ملكية!!
إنتوا ما دام عاجبكم الكاكي ده مالبستوه من زمان بي خشم الباب ليه؟! وهسه الفايدة العظيمة الحققتوها بي لبسه شنو؟!
ياجماعة للمرة المليون… الكاكي ليه ناسه وشروطه وهيبته ومعناه وقيمته ياخ… أرحمونا وأرحموا المساكين البيقاتلوا حفيانين وزيهم العسكري باهت ومهرود… أرحموا التعبانين عشرات السنوات ولافين بين المحاور والفِرق والإدارات وشافوا الويل وضاقوا مرارة الغربة من الأهل وضنك الحياة العسكرية وإنت تجي تلقاها باااردة وتلبس ليك كاكي وتتجدع كمان؟!!!
عموماً لو ناس الكاكي سكتوا…. أنا قلتوا!
محمد عثمان _ الخرطوم
النيلين
إنضم لقناة النيلين على واتسابالمصدر: موقع النيلين
إقرأ أيضاً:
ألمانيا تعلن إرسال جنود إلى بولندا لدعم تعزيز الحدود الشرقية
أعلنت ألمانيا، اليوم السبت، عن خطط لإرسال مجموعة من الجنود إلى بولندا للمساهمة في مشروع يهدف إلى تعزيز الحدود الشرقية للبلاد، في ظل الحرب الروسية الأوكرانية.
وأوضح متحدث باسم وزارة الدفاع الألمانية في برلين أن المهمة الرئيسية للجنود ستكون أعمالًا هندسية، تشمل بناء التحصينات، وحفر الخنادق، وتركيب أسلاك شائكة، وإقامة حواجز للدبابات.
وأضاف المتحدث أن دعم الجنود في هذه العملية يقتصر على هذه الأعمال الهندسية، دون الكشف عن العدد الدقيق للمشاركين، مكتفيًا بالقول إنه سيكون "عددًا متوسطًا".
حالة الطقس.. استمرار هطول أمطار رعدية مع رياح نشطة مثيرة للأتربة