بعد تصدره التريند.. تعرف على أبرز تصريحات أحمد عزمي التلفزيونية
تاريخ النشر: 1st, October 2024 GMT
تصدر اسم الفنان أحمد عزمي تريند محركات بحث جوجل، فور ظهوره مع الإعلامية والفنانة الكبيرة اسعاد يونس، وكشف عزمي عن كواليس مقابلته مع عمرو الفقي المدير التنفيذي للشركة المتحدة للخدمات الإعلامية،وكواليس وفاة والدته،وغيرها من الأمور.
وقال: “اول مكالمة جاتلي كانت بعد 24 ساعة من المستشار الإعلامي للشركة المتحدة، أنا عملت البوست ومفتحتش السوشيال ميديا تاني واستنيت التليفون يرن لو مرنش يبقى اللي عملته كان غلط وربنا يتولاني، لما كلمني قالي عندك ميعاد مع عمرو الفقي، وقعدت أعيط وأعصابي سابت من الفرحة مكنتش مصدق ومش عارف أرد قولتله الحمدلله وشكرته، قفلت معاه وكنت سعيد وخايف وبعدها كلمني عمرو الفقي قال لي أنا في انتظارك”.
وأضاف: “أول ما دخلت المنتجة دينا كريم بركن العربية شوفتها وهي داخلة قالتلي هستناك فوق المقابلة كانت كأني اعرفه من زمان وكأننا اتكلمنا كتير وقال لي انت متعرفش احنا بنحبك اد ايه وانت مكانك بينا موجود واللي جاي كله خير وهنفضل في ضهرك وكأن كل تعبي راح وحد شال من على ضهري فترة ألم وحسيت إنه بيتي، واتفاجئت بالتعاقد كنت فاكر إنه لقاء تراضي اتفاجئت إن في عقد والصورة اتاخدت وانا بقول لدينا أنا بقيت معاكي تاني”.
أحمد عزمي يكشف حقيقة أزمته مع المخرج وحيد حامد: منتج وقع بينا وقاله ده بيتنطط علينا
وتابع: “قبل كده حصل كلاش في فيلم دم الغزال كنت ماضي مع وحيد حامد وبعده كنت ماضي مسلسل الدم والنار بعتلي الاسكريبت وكان المنتج الفني مش بيحبني وكان في حركة عارف إنه بيضايقي وضغط عليا في التعاقد بعدها بـ 5 أيام لقيته بيكلمني وبيقول لي انزل قررنا ننزل أجرك للربع وانا رفضت لأني ازاي بعد ما امضي رقم تقللوه، راح لاستاذ وحيد حامد قاله الواد بيتنطط علينا وفاكر نفسه أحمد زكي، كنت حزين من خسارتي لأستا وحيد حامد أنا حبيت السينما من أفلامه، بعدها لقيت وحيد حامد بيكلمني وبيقولي انا عرفت اللي حصل وعرفت الحقيقة قالي انا عايزك في فيلم وعد واول ما تيجي كلمني وتجيلي”.
وأشار: “الفترة دي كنت حاسس إني جوا مركب وشايف الاعمال وشايف اني في مركب بتبعد لحد ما بقيت شايف ضباب حاسس اني عايز ابقى موجود واحقق حاجة حاسس إنه عندي مسؤوليات كبيرة، تراكم الناس في الشارع الكلمة اللي كنت بحبها زمان بقت توجع انت فين عايز اشوفك وحسيت اني مش هعرف ارجع ومفيش طريقة ارجع كل ده خلاني اكتب الحالة اللي حاسس بيها”.
وواصل: “أمي لما ماتت بقى عندي احساس إني اتحرمت من الدعوة بتاعتها، هي اللي حفظتني بنفسها صورة ياسين كاملة وفي الأيام الأخيرة كنت بقوم وقت الفجر أصلي وأقرأ سورة ياسين على روحها، ولما حصل البوست وردود الأفعال عليه لقيت نفسي بكلمها وبقولها انتِ لسه موجودة وكنت حاسس إني تعبان وكأنها خدتني في خضنها وبتطبطب عليا”.
المصدر: بوابة الفجر
كلمات دلالية: احمد عزمى آخر أعمال أحمد عزمي الفجر الفني وحید حامد
إقرأ أيضاً:
حرب تصريحات بين بين شوبير وأحمد حسن: الاتهامات بالتلقيح والشخصنة تثير الجدل
اشتعلت الأجواء الإعلامية مؤخرًا بين أحمد شوبير، الإعلامي الرياضي المعروف، وأحمد حسن، مدير منتخب مصر الثاني، في حرب تصريحات مليئة بالتوجيهات والانتقادات المتبادلة بينهما.
حيث بدأت الأزمة مع تعليقات شوبير الأخيرة حول الجهاز المعاون لحلمي طولان، المدير الفني للمنتخب المصري، قبل أن يتبادل الطرفان الاتهامات والانتقادات في برنامج "الكابتن" على قناة دي إم سي، يوم 12 ديسمبر 2025.
بدأت الأزمة عندما تحدث شوبير عن اختيارات طولان للجهاز المعاون، مشيرًا إلى أنه كان قد حذر المدرب من اختياراته غير المثالية، وخاصةً الجهاز المعاون الذي يضم أحمد حسن وحارس مرمى المنتخب السابق، عصام الحضري.
وتابع شوبير بانتقاد واضح قائلاً إن هناك ما يسمى بـ "شغل المكيدة والتلقيح" داخل الجهاز الفني.
رد أحمد حسن على شوبير بشكل حاد، مشيرًا إلى أن شوبير كان يهدف إلى "شخصنة الأمور" و"تلقيح" المواقف لصالح جهات معينة.
وقال حسن: "شفت بعض الناس شخصنت الأمور، ومنهم كابتن شوبير، ولقيت الناس بعثوا لي فيديو وهو مصمم يشخصن الأمور. لكن تمام، معنديش مشكلة، ومحدش يرجع يزعل بعد كده، لسه المشوار مع بعض مكملين".
وأضاف أنه إذا كان شوبير يعتقد أن اختياراته كانت سيئة، فإنه كان يجب عليه أن يتعامل مع الموضوع بطريقة أكثر احترامًا.
أحمد حسن لم يتوقف عند هذا الحد، بل أكمل هجومه قائلًا: "قال لي: أنا حذرت الكابتن حلمي من الجهاز المعاون، وهو قصده طبعًا الجهاز المعاون اللي أنا والحضري فيه، مش قصده حد تاني. وقال شغل المكيدة والتلقيح.
وتابع: "عايز أقول له يا كابتن شوبير: إنت تعرفني كويس، وأنا لو قليل الأصل هقول في وشك إنك قليل الأصل".
ثم وجه رسالة مباشرة لشوبير، قائلاً: "إحنا مبنخافش من حد، وعمرنا ما كنا بنغلط في حد، لكن دي مش أسلوبنا، والأسلوب ده معروف أسلوب مين. ده سنة كاملة تلقيح على جمهور الزمالك ونادي الزمالك".
وفي المقابل، رد شوبير على الاتهامات بأن حسن يحاول تبرير تصرفات جهازه المعاون بأسلوب غير مهني، مؤكدًا أن تلك التصريحات لا تعني له شيئًا، وأنه كان من الأفضل التركيز على الأداء داخل الملعب بدلًا من هذه الحروب الإعلامية.
أحمد حسن أضاف أيضًا: "عيب، مش إحنا اللي بنعمل ده لينا اسمنا وتاريخنا، بنحترم كل الناس، واللي يحترمنا نشيله على دماغنا من فوق، إنما هنشخصن الأمور؟ محدش يزعل بعد كده، لأن إحنا كمان بنعرف نرد، وبنعرف نرد بأدب وباحترام، وبنعرف ناخد حقنا بأدب وباحترام".
لوكاشينكو يحذر أمريكا من تكرار سيناريو حرب فيتنام في حال تورطها مع فنزويلا