"استغلوا مرضي علشان ينصبوا عليا".. أقوال مؤمن زكريا فى واقعة السحر
تاريخ النشر: 7th, October 2024 GMT
استغلوا مرضي عشان ينصبوا عليا.. بهذه الكلمات كشف اللاعب مؤمن زكريا أمام جهات التحقيق، عن تفاصيل تعرضه للنصب ونشر أخبار كاذبة على مواقع التواصل الاجتماعي بشأن تعرضه لأعمال وسحــر.
أقوال مؤمن زكريا فى واقعة السحروقال مؤمن زكريا خلال تحقيقات النيابة العامة، أنا لقيت واحد قريب مراتي اسمه مصطفى كلمها وقالها في واحد جارهم اسمه محمد إمام قاله أن في ناس لقوا عمل معمول لـ مؤمن زكريا في المقابر عشان كان العمل معمول على صور بتاعتي وكمان كان في عروسة مربوطة من ايديها ورجليها ودبابيس وكان عليها طلاسم وقالولي تعالى المقابر عشان تشوف العمل.
وتابع مؤمن زكريا في أقواله خلال تحقيقات النيابة، لما روحت قابلت الناس اللي اتمسكوا كان معاهم واحد تاني هرب وهناك وروني الحاجات دي وحطيناها في ميه بملح والورق كان دايب في المياه وكان في صورتين واحدة كبيرة والتانية صغيرة عليهم طلاسم والعروسة مربوطة من الايد والرجل ومكتوب عليها طلاسم والورق محطوط في الميه ودايب وبعد كده اخدنا العروسة وباقي الورق واتخلصنا منهم.
وأكد مؤمن زكريا في أقواله، كان في واحد بيصور الموضوع ده هناك من وقت ما دخلت المقابر واستأذنته انه ميصورش ويمسح الصور دي ومحدش ينزل حاجة ولا ينشر حاجة وبعد كدة فوجئت بتداول الصور على مواقع التواصل الاجتماعي ونشر أخبار عني وأنا في المقابر كمان والكلام ده حصل يوم 25 سبتمبر الساعة 10 بالليل وبعدها يوم 28 سبتمبر لقيت الصور منشورة في كل مكان وريهام سعيد بتتكلم عن الموضوع.
وأشار مؤمن زكريا خلال أقواله بتحقيقات النيابة العامة، أنا معرفش الناس دي ولما روحت المقابر وقابلتهم لقيتهم مطلعين الحاجة وبيقولوا ان معمول لي عمل عليها والعروسة حاطين الورق في ميه بملح ولما روحت وروني فيديو للحاجة وهما بيطلعوها من المقابر عشان ابقى متأكد أنها فعلا كانت مفدونة في المقبرة، وكان في واحد بيصور حضوري بالمقابر بدون علمي ولما اكتشفت طلبت منه يمسح الصور.
أنا بتهمهم كلهم بالنصب والتشهير بيا على منصات التواصل عن طريق تكوين عصابة وكان قصدهم منها النصب عليا وتحصيل فلوس واستعمالهم لطرق احتيالية من خلال نشر الاخبار على المنصات بدون رضايا عشان ياخدوا الفلوس، وهما اقنعوني أن أنا معمول لي عمل وطلبوا مني أروح المقابر وطلعوا الصورتين والعروسة قدامي.
المصدر: بوابة الوفد
كلمات دلالية: مؤمن زكريا اللاعب مؤمن زكريا أعمال سحر مؤمن زكريا سحر مؤمن زكريا أقوال مؤمن زكريا فى واقعة السحر مؤمن زکریا کان فی
إقرأ أيضاً:
تامر عاشور عن زوجته: عندها شعننة وبتغير عليا من التلامس
قال المطرب تامر عاشور، إن زوجته الإعلامية نانسي نور شخصية متفاهمة وواقعية، متابعا: لكن عندها شعننة وبتغير عليا من الستات، ولو حصل شكل متهور بتضايق زي "التلامس" وقالت لي ممنوع التلامس خالص.
وأضاف "عاشور" خلال لقائه مع الإعلامية إسعاد يونس ببرنامج "صاحبة السعادة" على قناة “DMC” : نانسي مالهاش في السوشيال ميديا، ومش بتعرف تطبخ ولكن نفسها تدخل المطبخ بس الموضوع صعب معاها شوية، والطباخ هو اللي بيعمل الأكل، بس بتعرف تعمل (فتوش)".
كشف المطرب تامر عاشور، عن حياته الشخصية وعلاقته بالإعلامية نانسي نور، موضحا أن نانسي هي شخصيتها سهلة التفاهم ومرنة في التعامل ولينة في الكلام، ولما بتزعل بتكوم لذيذة جدا، وده اللي قربني منها أكتر.
وقال “عاشور”: "نانسي دايما بتوفرلي الوقت اللي بكون فيه مع أهلي وأصحابي، رغم انها شخصية قوية لكنها متفهمة جدا".
داعبت الإعلامية إسعاد يونس ضيفها تامر عاشور، قائلة : "أنا عرفت انك أتجوزت.. نكدت على الناس كلها ورحت أتجوزت.. لازم نعرف إيه اللي حصل".
ورد تامر عاشور على "صاحبة السعادة" ضاحكا: "النكد.. لازم ده أساس الشغل.. مش بحب النكد والدموع وبهزر طول الوقت.
وقال تامر عاشور: "أنا ونانسي نور كنا مخبيين جوازنا وهي حافظت على السر رغم إنها طلعت معاكي في البرنامج بعد الزواج".
زلزال نحر الأضحية نيابة عن المغاربة يسقط مسؤولين كبار بالمجلس العلمي ووزارة الأوقاف