اسمحولي التحدث بالعامية في هذه المقالة
دورك كبير جدا ومهم مع طفلك، يعني مش المدرسة لوحدها ولا الأخصائيين لوحدهم، لازم دورك كأب وكأم مهم جدًا في تربية وتعليم وتعديل سلوك الأطفال وتنمية مهاراتهم المختلفة.
يعني محدش يعتمد على المدرس لوحده، الطفل بيقعد في الحضانة أو المدرسة أو حتى الجلسة التأهيلية شوية، لكن بيكمل في البيت باقي الوقت لو أهملته مش هيتعلم من المكان التعليمي لوحده.
عليك إيه؟
1- في حال أي ملاحظات غريبة على الطفل اكشف عضويًا عليه الأول لدى طبيب مختص.
2- لو تمام عضويا ابتدي دور على الجلسات التأهيلية.
3- معاها نفذ في البيت إرشادات الجلسة والبرنامج العلاجي والأهداف، لو منفذتش مش هتنفع الجلسة لوحدها، لازم الجلسة مع دور الأسرة فى البيت.
4- لازم تختار حضانة كويسة وأمنة على طفلك وتعلمه وترفهه برده، أو مدرسة كويسة مفيهاش إهمال ولا تنمر.
5- خصص وقت لطفلك اتكلم معاه ومتستهيفوش.
6- خصص وقت لراحته ورفاهيته حسب سنه وإدراكه.
7- شجعه على ممارسة نشاط رياضي أو فني عشان يلاقى ثقته بنفسه خارج إطار الدراسة.
8- بلاش بلاش بلاش نقد ليه طول الوقت، ده حيجبله ضغط نفسي.
9- اسمع طفلك لو مسمعتوش حيدور بره على إللي يسمعه ومع الوقت وكبر العمر حيفهم إنك أهملته زمان وهو صغير، وممكن يغرق في أصدقاء السوء.
10- متقارنوش بحد وملكش دعوة بأطفال حد تاني دخلوا مدارس ايه وعملوا ايه عشان ميغيرش من حد، وكمان لأن كل طفل يختلف عن التانى بفطرة الفروق الفردية بين الناس.
11- بلاش تشتكى منه وخصوصا أدامه عشان متعقدوش وتزود عدوانيته.
12- افهم طفلك وتقبله كما هو تكن سعيدا وتوصل طفلك للصحة النفسية السوية.
اقرأ أيضاًأستاذ اجتماع: «المواطنة الرقمية» أصبحت جزءًا من تربية الأطفال
صعوبات تعلم الأطفال
بسبب سوء الأحوال الجوية.. «الأونروا» تعلن ارتفاع وفيات الأطفال في غزة إلى 7
المصدر: الأسبوع
كلمات دلالية: تربية الأطفال تعليم الأطفال تعديل سلوك الأطفال
إقرأ أيضاً:
«بعد أن خاصمها أسبوعين».. سيدة في دعوى طلاق بعد 8 شهور زواج: «زعل مني عشان كسرتله الطيارة»
أمام محكمة الأسرة أقامت سيدة دعوى طلاق ضد زوجها بعد 8 أشهر من زواجهما، مؤكدة أنه أهملها تمامًا وانشغل عنها بهواية جمع مجسمات الطائرات، لدرجة أنه غضب بشدة وقرر تجاهلها تماما حين كسرت بالخطأ واحدة منها أثناء تنظيف الغرفة.
وقالت الزوجة، (31 عامًا)، في دعواها: «من أول يوم جواز وأنا حاسة إن جوزي مش عايش معايا، عنده أوضة كاملة مقفولة على مجسمات طيارات، بيقولي عليها (غرفة العمليات)، ممنوع أدخلها، فيها رفوف مرصوص عليها طيارات ومجسمات من كل الأنواع، بعضها مركّبها بنفسه، وبعضها بيطلبها من برة مصر».
وتابعت: «كنت فاكرة إنها مجرد هواية، لكن لقيته بيقضي ساعات قدام المجسمات دي، بيفك ويركب وينفخ ويدهن ويمسح، وبيكلمها أوقات، ويقولي: (دي فرقة الاستطلاع بتاعتي)».
وأكدت أن الزوج كان يرفض الخروج من البيت أيام الإجازات أو السفر لأي مكان خوفًا على المجسمات من الأتربة أو الحركة: «كنت بحس إني متجوزة حد مش طبيعي، كل مرة أقوله نخرج يقولّي: الطيارات محتاجة صيانة، أنا مضغوط، ده حتى وهو بياكل بيقعد يبص على واحدة معينة ويحكيلي تاريخها».
أما الحادثة التي فجّرت الخلاف، فكانت سقوط إحدى الطائرات من الرف أثناء تنظيف الغرفة، ما أدى إلى كسر الجناح الخلفي.
تحكي الزوجة: «صرخ بصوت عالي وقالّي: دي من معرض في ألمانيا، دي تحفة، كده اتحرمت منها، وبعدها قاطعني أسبوعين، ونام في الصالة».
لم يتوقف الأمر عند الغضب المؤقت، بل بدأ الزوج يعاملها ببرود شديد، ويتحدث معها بجفاء، قبل أن يصارحها بأنه بدأ يشعر أن شخصيتها لا تتوافق مع «نمط حياته الخاص»، على حد تعبيره.
ورغم محاولات أهل الزوج والزوجة للصلح، تمسكت الزوجة بقرار الانفصال، مؤكدة أن الحياة الزوجية قائمة على الشراكة، لا على التنافس مع مجسمات بلاستيكية، «أنا ما اتجوزتش عشان أبقى ضيفة في حياة شخص مرتبط بحاجات جامدة أكتر من إنسانة من لحم ودم».
المصري اليوم
إنضم لقناة النيلين على واتساب
حسام موافي: شرب الحشيش لا يحتاج لمصحة.. والترامادول يستوجب الدخول الفوري