اللي يتكلم عليا غلط مستحملوش.. نجم الأهلي السابق يكذب إكرامي

كذب مجدي طلبة، نجم الكرة المصرية السابق، إكرامي الشحات، حارس مرمى النادي الأهلي الأسبق.

وقال مجدي طلبة، في تصريحات تلفزيونية عبر فضائية «تن»: "الكابتن إكرامي، طلع من يومين قال عني كلام غلط، فهو قال في أحد البرامج التلفزيونية اني زملكاوي".

وأضاف: "إكرامي، قال أيضًا إنه كان متواجد في جلسة ثابت البطل، معي من أجل تجديد عقدي مع الأهلي، وإني طلبت 75 ألف جنيه لتجديد عقدي مع الأهلي والكابتن ثابت، عرض 50 ألف جنيه".

وأوضح: "الكابتن إكرامي، مكنش متواجد في تلك الجلسة وأنا مطلبتش 75 ألف جنيه لتجديد عقدي، في الوقت ده أتمت في الجرائد (مجدي طلبة، ساب النادي الأهلي عشان 25 ألف جنيه )، أنا دلوقتي عرفت مين العصفورة اللي طلعت قالت الكلام ده".

وأتم: "اللي يتكلم عليا كلام غلط وكذب مستحملوش، مينفعش تقول حاجة محصلتش وتتدعي إنك كنت موجود في الجلسة".

المصدر: صدى البلد