مصريات.. رمضان وبرامج الرغى والمقالب السخيفة
تاريخ النشر: 25th, March 2025 GMT
تابع أحدث الأخبار عبر تطبيق
للأسف، أصبح رمضان في البرامج والمسلسلات عبارة عن موسم بيتقدم فيه برامج خالتي اللتاتة مذيعة أو مذيع بفلوسه ينتج برنامج يستضيف فيه فنان ويدفعله أجر كبير شرط إنه يفضح نفسه ويفضح بيته ويحكيلنا عن فضايح زيجاته وطلاقه ويكشف المستور والمذيع بفلوسه بيعامله كأنه في إستجواب في المحكمة.
وأنا بقي مش حاتكلم عن سخافة برامج المقالب اللي بقت عبارة عن صراخ وشتايم تنزل عليها صفارة مع إن الضيف رايح وعارف إنه رايح يتبهدل وطالب أجر كبير علشان كده ولابس لبس ينفع في البهدلة والناس فاهمة والضيف فاهم وكله بيلعب على كله.
أما أغلب المسلسلات فهي استنساخ لنفس الفكرة البعيدة تماماً عن الواقع لبطل الحارة الوهمي الطيب اللي ييتحول لبلطجي بياخد حقه بإيده من البلطجي الكبير اللي ظلمه واللي في الاخر حايكتشف إنه طلع أبوه وإن اللي كان بيحبها وحايتجوزها طلعت أخته علشان الدراما تزيد وبعدين في آخر نفس في آخر حلقه نكتشف إنها مش أخته ويتجوزوا ويعيشوا في تبات ونبات ويخلفوا صبيان وبنات وكإن البلطجية وقتالين القتلى وتجار المخدرات أو الآثار هما العوام وكإن ماعندناش قصص طبيعية ومجتمع عادي فيه مشاكل عادية حقيقيه ممكن تتناقش أو تطرح بشكل درامي يزيد الوعي عند الناس.. ده غير بقي الستات اللي طول الوقت بتزعق وتطجن في الكلام وتصرخ ومركبة رموش شبه الزعافة وبواريك طويلة صفرا وماكياج صارخ ولازم الغني يبقي فاسد وتاجر مخدرات والفقير اللئيم اللي بيلعب على كل الأطراف والفقير المظلوم الغلبان اللي حاينتقم وياخد حقه ويحققلنا انتصار وهمي والمط والتطويل والمشاهد المكررة ولازم البطله تحسسنا إن ماجبتهاش ولادة وإنها قدرت برومشها الساحرة وصوتها المنحنح تضحك على الراجل الشرير وتوقعه في حبها ويتحول لراجل أهطل بتمشيه على العجين وطبعاً كل رجالة المسلسل بتحبها وحاتموت عليها.. طبعاً في مسلسلسلات حلوة علشان مابقاش بعمم بس أنا بتكلم عن السائد مع إن من وجهة نظري رمضان كان ممكن يستغل أكتر من كده ويتقدم فيه دراما تفيد الناس وتزود وعيهم على كل المستويات وعندنا فرصة سنة كاملة ممكن تنتقي فيها سيناريوهات حلوة ويشتغلوا عليها إنما الحالة المزرية السائدة والأفكار العقيمة دي حاتكون سبب لإنهيار المجتمع وساعتها مش حانلاقي حتي لبن مسكوب علشان نبكي عليه.
المصدر: البوابة نيوز
كلمات دلالية: مصريات
إقرأ أيضاً:
اجتماع بمديرية مقبنة يناقش جهود التحشيد والتعبئة وبرامج دورات “طوفان الأقصى”
الثورة نت/سبأ ناقش اجتماع بمديرية مقبنة في بمحافظة تعز، اليوم جهود التحشيد والتعبئة وبرامج دورات حملة “طوفان الأقصى” للتدريب والتأهيل. وتطرق الاجتماع الذي ضم عضو مجلس الشورى منصور سنان ووكيل المحافظة فؤاد سنان ومدير هيئة المساحة الجيولوجية إبراهيم الشريف، ومسؤول الوحدة الاجتماعية بالمحافظة حامس الحباري ومسؤول قطاع حقوق الإنسان عبده البحر، إلى برامج التأهيل والتدريب في المديرية، والاستعداد والجهوزية لأي جولة صراع مع الأعداء. وشدد المجتمعون، على ضرورة استشعار الجميع للمسؤولية بخطورة وحساسية المرحلة، مشيدين بجهود ودور الوجهاء والأعيان في تنفيذ أنشطة حملة “طوفان الأقصى”، والاستعداد العالي لمواجهة العدو الأمريكي، الصهيوني، وأدواته. وأكدوا على ضرورة استكمال البرامج التدريبية لدورات “طوفان الأقصى” ورفع الجاهزية لنصرة الشعب الفلسطيني والاستعداد لمواجهة أي تصعيد للعدو، مشيرين إلى أن ضرورة مضاعفة الجهود لإسناد جهود التعبئة والتحشيد، واستمرار المسيرات، والفعاليات، والجهوزية لأي خيارات تتخذها قيادة الثورة نصرة للشعب الفلسطيني المظلوم. حضر الاجتماع مدراء المكاتب التنفيذية ومشايخ ووجهاء مديرية مقبنة.
الإفتاء: ينبغي المسارعة للغسل من الجنابة.. ولا إثم في تأخره