معركة الفاشر هي معركة السودان كله
تاريخ النشر: 14th, April 2025 GMT
■ معركة الفاشر هي معركة السودان كله ..
■ طيلة أيام معارك حرب الكرامة عايش السودانيون أوضاعاً بذات التعقيد العسكري والأمني والإنساني الذي تعيشه مدينة الفاشر اليوم .. مدن كثيرة تم حصارها والتضييق علي مواطنيها .. مدن كثيرة سقطت .. ومابين الحصار والسقوط بلغت القلوب الحناجر وظنّ المشفقون بقواتهم المسلحة الظنون وذهب المحرضون بعيداً في لحن القول .
■ الفاشر ستبقي حالة خاصة .. يكفي أنها تخوض اليوم معركتها رقم 203 ضد عصابات الجنجويد المسعورة التي استباحت معسكر زمزم وسحلت وقتلت الأبرياء من الأطفال والشيوخ والعجزة بدمٍ بارد ..
■ الوضع العسكري في الفاشر ليس وردياً .. هنالك تعقيدات عسكرية وأمنية ترافق معركة الفاشر .. وهذا أمر طبيعي لمن يعرفون أسرار وكواليس الحرب الجارية .. ومع هذا فإن الفاشر ستبقي عصيّة علي أعدائها وأعداء السودان ..
■ الفاشر معركة السودان كله .. وبذات العزم والصبر والجسارة التي صاحبت كل معارك حرب الكرامة ضد الجنجويد .. بذات الجسارة والصبر والتصميم يخوض جيشنا معركة الفاشر وسننتصر بحول الله ..
■ نصرٌ من الله وفتحٌ قريب ..
عبدالماجد عبدالحميد
عبد الماجد عبد الحميد
المصدر: موقع النيلين
كلمات دلالية: معرکة الفاشر
إقرأ أيضاً:
بل بس سببها الاساسي انتهاكات وبشاعات الجنجويد
بعد اي جريمة بشعة للجنجويد يطلعوا علينا القحاتة ويقولوا لينا ما هي دي الحرب عاملة كدا وانتو السبب يا بلابسة !!
والغريبة لو الجيش عمل اقل انتهاك ما بتبقي دي الحرب ابدا !.
والغريبة اكثر انو بل بس سببها الاساسي انتهاكات وبشاعات الجنجويد الخلت كل الشعب السوداني يدرك تماما انو لا حياة ولا تعايش ولا وجود اصلا لينا الا بنهاية الجنجويد ، ونهاية الجنجويد طريقها الوحيد هو بل بس لحد الاستسلام او الموت … ما عندنا مع الجنجويد ديل اي شئ تاني غير كدة .
خليك من انو دي حرب وجود عديل وعدوان اماراتي متكامل علي بلدك وارضك وعرضك وثرواتك ومستقبلك و العالم كلو عارف وبتكلم عن حرب الامارات علي السودان ما عدا حبة وضيعين وعملاء محسوبين علينا بالغلط .
اي زول داير يبرر للجنجويد انو دي الحرب عاملة كدة بقول ليك بالفم المليان انت زيهم واحد كان ما اسوأ ، علي الاقل هم عارفين روحهم مجرمين وفخورين بجرائمهم اما انت فمجرد منافق ما عندك قيمة .
وزي ما قال غسان كنفاني أخشي ان تتحول الخيانة الي وجهة نظر ! اتجاوزنا مرحلة الخيانة يا غسان وبقي إنعدام الضمير زاتو وجهة نظر وبقي التبرير للقاتل والمغتصب ولوم الضحية وجهة نظر .
والمثير للسخرية انو النوع دا لسة شايف انو مفروض نناقشه ونرد عليه ! النوع دا ما بتناقشوا معاه النوع دا بلوك من الحياة كلها ما بس السوشيال ميديا ، دي نوعية مجرد معرفتها خسارة وخسارتها اكبر مكسب .. دا مستوي من الوضاعة والانتهازية مجرد وجوده في حياتنا ساي بخصم كثير مننا .
#جنجويد_قحاتة
Suzy Khalil
إنضم لقناة النيلين على واتساب
برلماني يطالب بإجراء تعديل تشريعي شامل في قانون الضريبة على العقارات المبنية