رفضت ورثها وكانت مضيفة.. سهير رمزي تحكي عن بدايتها
تاريخ النشر: 10th, May 2025 GMT
كشفت الفنانة سهير رمزي عن حالتها الصحية، وسبب ارتدائها الحجاب وخلعه، ولماذا رفضت ميراثها من والدها بعد وفاته، وأقرب فنانة يمكن أن تقدم السيرة الذاتية لها.
https://youtube.com/shorts/TaLQDHhCTR4
وعن صحتها، قالت الفنانة سهير رمزي: “أنا بخير الحمد لله ربنا أنعم على بالصحة ولو هطلب من ربنا حاجة أطلب الصحة”.
وعن معايير اختيار أعمالها الفنية، قالت الفنانة سهير رمزي: “كل وقت ليه أذان، بحب أغير الأدوار محبش تكون الأدوار شبه بعض، علشان آخد دور لازم يناسب شخصيتي وعمري، وعايزة العمل يكون ليه هدف ورسالة والفن اختلف عن زمان على مدار الأجيال، وكل وقت له أذان”.
وتابعت: “المفروض دلوقتي تكون الأعمال الفنية أفضل من زمان نظرا لوجود إمكانيات وتقدم كبير في المونتاج، لكن اللي موجود دلوقتى رغم التقدم فى الميديا متأخرين في الكتابة والموضوعات عايزين القلم اللى يكتب سيناريوهات وقصص وإحنا متأخرين جدا فى الكتابة”.
https://youtube.com/shorts/TaLQDHhCTR4
المصدر: صدى البلد
كلمات دلالية: سهير رمزي الفنانة سهير رمزي اخبار الفن الفنانة سهیر رمزی
إقرأ أيضاً:
الحجاب مش بسبب الشيخ الشعراوي.. سهير رمزي تكشف سرا لأول مرة
كشفت الفنانة سهير رمزي، عن حقيقة ارتباط ارتدائها للحجاب بالشيخ محمد متولي الشعراوي، موضحة أنها لم ترتده على يده كما تردد، ولكنها تقابلت مع العالم الجليل، بعد ارتدائه بفترة طويلة.
وأضافت سهير رمزي، في مداخلة هاتفية مع الإعلامية نهال طايل ببرنامج تفاصيل، المذاع على قناة صدى البلد، قائلة: "أنا ارتديت الحجاب مش على إيد الشيخ شعراوي، لا، الله يرحمه، أنا رحت بعد ما اتحجبت بفترة كبيرة قابلت الشيخ الشعراوي وقعدت معاه وكل حاجة".
وعن قرارها بارتداء الحجاب، أوضحت سهير رمزي، قائلة: "أنا قلتها كتير الحقيقة فمش عايزة الناس تزهق منها... لا مش لوحدي طبعًا. أنا ما كانش في مخي الحجاب ده خالص".
وتابعت سهير رمزي، حديثها قائلة: "هو ليه قالوا كده؟ مش عارفة، بس بعض الناس بتحب حاجات كتير قوي. ده أنا كنت ببقى متجوزة وأصحى الصبح ألاقي نفسي مطلقة، أبقى مطلقة وأصحى ألاقي نفسي متجوزة حد ما أعرفوش يعني".
وعن دوافع سهير رمزي الداخلية لارتداء الحجاب وقتها، قالت:"كان وقتها إحساس معين جالي، وحاجة كده حسيت إنّي بعيدة قوي، أنا بشتغل وكله شغلي سينما، مسرح، تلفزيون، وأروح هنا، طب أنا فين بقى من الدين ومن القرآن ومن الصلاة؟ كل الحاجات دي كانت عايزة يعني أقوي نفسي بيها شوية".
وتابعت سهير رمزي، قائلة:"فحبيت إن أنا أبعد الحقيقة، وبعدت خالص تمامًا، أنا عارفة إن أصلاً الحجاب فريضة طبعًا، وأنا مش هقولك إني زعلانة إن أنا شيلته، إنما أنا حسيت إن السن دلوقتي بقى، والوقت ده خلاص، وكده بقى حسيت إن أنا محتاجة زي ما تقولي الحجاب الداخلي أكتر من حجاب الطرحة، حجاب اللسان، وحجاب التفكير، وحجاب المعاملة، وحجاب الإنسانيات، كل ده حجاب، فده عندي كان أهم من أي حاجة الحقيقة".
أكثر من 2% .. خام البصرة يسجل مكاسب أسبوعية