مش ميثاق غليظ.. أسما شريف منير ترد على منتقدي زواجها للمرة الثالثة
تاريخ النشر: 13th, June 2025 GMT
ردت أسما شريف منير على انتقادات زواجها للمرة الثالثة، وأيضًا انتقادات تبريرها للزواج.
وكتبت أسما شريف منير على متابعة عبر خاصية إنستجرام وقالت: “شكرا على رأيك، رغم الأسلوب غير اللائق فيه، بس خليني أوضحلك كام حاجة يمكن تفيدك وتخفف شوية من الحدة اللي جواكي”.
. أسما شريف منير تكشف تفاصيل عن زواجها
وأضافت: "الجواز مش ميثاق غليظ بس الجواز كمان سكينة ومودة ورحمة، ولو ما توفرتش الحاجات دي بيبقى من الحكمة إن الإنسان يعيد اختياراته مش يتمادى في غلط المجرد يرضي الناس".
وتابعت: "أنا ما بررتش إني اتجوزت أنا شاركت رحلة شخصية يمكن واحدة تانية تستمد منها أمل أو تتعلم منها حاجة مش معنى إنك انتي أو غيرك مش شايفين ده مهم، يبقى مش مهم".
وأردفت: "احترامك للستات اللي ربوا ولادهم لوحدهم شيء يحترم، بس استخدامك لتضحياتهم علشان تهيني واحدة تانية اختارت إنها تكمل حياتها بالجواز ده تناقض وقلة عدل كل ست حرة تختار بطريقتها".
واستطردت: "فكرتك عن الأدب والاحترام مرتبطة بالصمت والكيت، لكن الحقيقة إن الأدب الحقيقي هو إننا نتكلم من غير ما نجرح، نحترم اختيارات بعض حتى لو مختلفة، وتبطل نحاكم الناس من بلكونة أخلاقنا الشخصية".
وأضافت: "أنا ما طلبتش من حضرتك تتابعيني ولا تشوفي حاجات "أسفل "زي ما قلتي، بس واضح إنك شفتي وفضلتي تتابعي فالسؤال هنا: هو أنا فعلًا اللي مستفزة ولا فيكي حاجة بتتواجه فجأة قدامي؟".
واختتمت: “وأخيرا، لو فعلاً عايزة تربي ولادك على الصح، فاعملي كدة بالفعل مش بالكلام، لأن التربية تبدأ باحترام الآخرين مش بهدمهم”.
المصدر: صدى البلد
كلمات دلالية: أسما شريف منير حفل الزفاف انستجرام اخبار الفن أسما شریف منیر
إقرأ أيضاً:
بعد إثارته الجدل بمشاهد جريئة.. طارق العريان يرد على منتقدي فيلم السلم والثعبان 2 "نيتكم وحشة"
خرج المخرج طارق العريان ليرد على الإنتقادات التي طالت فيلم السلم والثعبان 2، بمجرد عرض البرومو الترويجي له، حيث أعرب البعض عن استيائهم من الفيلم مشيرين إلى احتوائه على مشاهد جريئة لا تليق بالذوق العام.
قال طارق العريان: "الناس اللي بتنتقد دي نيتها وحشة.. هو الفيلم مفهوش أي جرأة، ده فيلم دراما اجتماعي رومانسي. معندناش حاجة في الفيلم خارجة، ومينفعش حد يحكم على فيلم من التيزر بتاعه.
كما أعرب طارق العريان عن رفضه الشديد لحكم البعض المسبق على الفيلم بناء على إعلان ترويجي قصير واصفًا ما حدث بأنه أمر غير منصف، فيما شدد على أن الفيلم يحمل رسالة إنسانية واجتماعية في قالب درامي ورومانسي، بعيدا عن أي ابتذال أو إثارة مفتعلة.
فيلم السلم والثعبان 2 هو الجزء الثاني من الفيلم الشهير الذي عرض في عام 2001 وحقق نجاحا جماهيريا ونقديا، الجزء الثاني بطولة عمرو يوسف، ويضم عدد كبير من النجوم، أبرزهم: أسماء جلال، ظافر العابدين، ماجد المصري، حاتم صلاح، وفدوى عابد، مع ظهور خاص للفنانة سوسن بدر. وهو من تأليف أحمد حسني، وإخراج طارق العريان، وإنتاج موسى عيسى، ويقدم الجزء الثاني بأحداث جديدة ومختلفة عن الجزء الأول الذي عرض قبل 24 عاما من إخراج طارق العريان أيضا.
استجابة إنسانية عاجلة من محافظ قنا لأسرة الزوجين المتوفيين بقرية الترامسة