ميدو عادل: المسرح هو الجيم بتاع الممثل.. والفنان بيختار المكان اللي يلاقي نفسه فيه

قال الفنان ميدو عادل إن ارتباطه بالمسرح يظل الأقوى، رغم انشغاله بأعمال درامية وسينمائية مختلفة، مشيرًا إلى أن العمل على خشبة المسرح بالنسبة له، لا يرتبط بالعائد المادي، بقدر ما يرتبط بالشغف والحب.

المسرح هو الأقرب للفنان

وأوضح ميدو عادل، في لقاء خاص مع الإعلامية شيرين سليمان ببرنامج "سبوت لايت"، المذاع على قناة صدى البلد،: "مش كل حاجة بنعملها مرتبطة بالعائد المادي.

. ساعات الفنان بيختار المكان اللي بيرتاح فيه، المكان اللي يلاقي نفسه فيه، وبالنسبة لي، المسرح هو الأقرب، هو الجيم بتاع الممثل، المكان اللي بيعلّمك، ويخليك تعيش التجربة الحقيقية"، مضيفًا أنه يتمنى أن يظل مرتبطًا بالمسرح طوال حياته.

جلسة فنية بين فيريرا ولاعبي الزمالك استعدادًا لوادي دجلة"لى متى" أحدث أغاني الفنانة السعودية الشابة جوري قطان

وكشف الفنان ميدو عادل عن جانب آخر من شخصيته، وهو خجله من التصوير الفوتوغرافي والظهور في البرامج التلفزيونية في بداياته، قائلاً: "دي أول مرة أقولها.. زمان كنت بتكسف أطلع في برامج، كنت حاسس إن شغلتي التمثيل بس، مش إني أتكلم عن نفسي، لكن مع الوقت اكتشفت إن ده جزء من خبرة المهنة، وإنك لما تعرف تعبر عن نفسك ده بيفرق معاك جدًا".

وأضاف ميدو عادل، قائلاً: "بقيت أطلع في البرامج اللي بحس فيها براحة وبقدر أتكلم بطبيعتي، لكن في أوقات بحس إن بعض الفنانين بيضطروا يلبسوا ماسك أو قناع عشان يتكلموا، وده بيخليني مش مرتاح.. أنا شايف إن التمثيل هو شغلتي الأساسية، والباقي مجرد مكملات".

واعتبر ميدو عادل أن نجاح الممثل على خشبة المسرح يظل مختلفًا عن أي تجربة أخرى، لأنه يعتمد على التفاعل المباشر مع الجمهور، وهو ما يمنحه شعورًا استثنائيًا بالنجاح والتقدير الفوري من المشاهدين.

طباعة شارك ميدو عادل الفنان ميدو عادل المسرح

المصدر: صدى البلد