ناصر ماهر يهاجم اختيارات حسام حسن لمعسكر منتخب مصر في الإمارات: «اللي بيحصل ده يحبط أي جبل»

أبدى ناصر ماهر، لاعب الفريق الأول لكرة القدم بنادي لزمالك، حزنه وغضبه الشديد لعدم انضمامه لقائمة منتخب مصر الأول لكرة القدم، بمعسكر نوفمبر المقرر إقامته في الإمارات.

وقال ناصر ماهر عبر صفحته الرسمية على موقع التواصل الاجتماعي «إنستجرام»: «أنا آسف إني بنزل الكلام ده، لأنه مش طبعي خالص، لكن بصراحة الوضع محبط جدًا بالنسبة لي بسبب قائمة منتخب مصر».

وأضاف: «بكل صدق، أنا شايف إني أستحق أكون متواجد على الأقل ضمن المنتخب، خصوصًا إن الموضوع واضح إنه مش فني خالص، لأن كل النقاد والمحللين والصحفيين والجماهير المصرية، وحتى الناس العادية، بيتكلموا كويس جدًا عن أدائي في الفترة الأخيرة».

وتابع: «بصراحة، اللي حصل ظلم كبير جدًا، ومالوش علاقة بالكورة، والمجهود اللي بذلته كله راح كده على الفاضي، وأحلامي بتضيع بكل سهولة كأنها حاجة عادية، رغم إني عملت كل اللي المفروض أعمله".

واختتم ناصر ماهر تصريحاته قائلًا: «بجد حرام.. اللي بيحصل ده يحبط أي جبل».

وكان حسام حسن، المدير الفني لمنتخب مصر، قد أعلن عن قائمة الفراعنة استعدادًا لمعسكر نوفمبر، للمشاركة في دورة ودية بمشاركة 4 منتخبات، وجاءت القائمة على النحو التالي:

حراسة المرمي: محمد الشناوي- احمد الشناوي- محمد صبحي- مصطفي شوبير.

خط الدفاع: محمد هاني- محمد حمدي- احمد فتوح- رامي ربيعة- خالد صبحي- حسام عبد المجيد.

خط الوسط: محمد إسماعيل- مروان عطية- حمدي فتحي- مهند لاشين- محمد شحاته- محمود صابر- محمود حسن تريزيجيه.

خط الهجوم: إبراهيم عادل- مروان عثمان- عمر مرموش- أحمد سيد زيزو- محمود عبد الحفيظ زلاكة- محمد صلاح- اسامه فيصل- صلاح محسن- مصطفي محمد.

المصدر: الأسبوع