"خرابة البيوت".. مروة صبري توجه انتقادات حادة لدينا الشربيني.. فيديو

وجهت الإعلامية مروة صبري، خلال حلقة برنامجها "قعدة ستات"، انتقادات لاذعة للفنانة دينا الشربيني بعد انتشار شائعات عن ارتباطها بالنجم كريم محمود عبد العزيز، وما صاحب ذلك من انفصاله عن زوجته آن الرفاعي.

وقالت صبري : "ضاقت بيكي الدنيا يا دينا، وسيبتي كل رجالة الكون اللي مش متجوزين وروحتي للراجل المتجوز؟! روحتي للراجل اللي بيحب مراته وولاده ومرتبط بيهم! وده مش أول مرة!.

وأضافت: "إنتي طول الوقت بقى اسمك مرتبط بعلاقات برجالة متجوزين، وأي حد بتشتغلي معاه بيطلع عليكي إشاعة إنك في علاقة معاه!.

بقيتي تروحي تشوفي مين الراجل المتجـ.ـوز وتخـ.ـربي بيته، لدرجة إنك خدتي لقب "خرابة البيوت"، وقررتي تعيشي قصة حب على حساب زوج وعياله!.

وتابعت: "مفكرتيش إنك بتبني حياتك على تعاسة وحزن وقهـر ست تانية؟ مفكرتيش تحطي نفسك مكانها؟ مفكرتيش في بناته اللي بيدعوا عليكي وبيشـ.ـتموكي على السوشيال ميديا؟! مفيش حاجة هـزتك من جواكي؟!".

كريم محمود عبدالعزيز يحسم الجدل بشأن دينا الشربيني

حسم الفنان كريم محمود عبد العزيز الجدل الذي أثير خلال الساعات الماضية حول علاقة الفنانة دينا الشربيني بأزمة طلاقه، مؤكداً بشكل قاطع أن اسمها لا يمتّ بأي صلة بخلافاته الزوجية أو قرار الانفصال.

 

وقال كريم في بيان رسمي نشره عبر حسابه على موقع إنستجرام إنه انفصل عن زوجته آن الرفاعي بعد سنوات من الزواج، موضحاً أن الطلاق تم في إطار من الاحترام المتبادل، ودون وجود أي طرف ثالث.

 

وجاء في نص البيان: "الطلاق شرع ربنا، وأكنّ لأم بناتي كل الاحترام والتقدير. مهما حصل هتفضل أم بناتي وأنا أبوهم. حاولنا سنين كتير إن الحياة تستمر وفشلنا، وده مش معناه أبداً إن فيه حد فينا يعيبه شيء، لكن فيه علاقات كتير بتنتهي لأن ربنا كاتب لها كده، وبتنتهي بكل ود وحب واحترام متبادل بين الطرفين".

وأضاف:  "أكيد ماكنتش أحب أوصل للحل ده، لكن دي إرادة ربنا، ومفيش أي شخص جت سيرته له دخل بالمشاكل دي تماماً لا من قريب ولا من بعيد".

 

واختتم قائلاً: "البيوت أسرار، وماكنتش أفضل أتكلم عن حياتي الشخصية احتراماً لكل الأطراف، لكن تقديراً للجمهور اللي يهمه أمري، وجب التوضيح".

وجاء توضيح كريم محمود عبد العزيز بعد تداول شائعات ربطت بين طلاقه واسم الفنانة دينا الشربيني، وهو ما نفاه بشكل حاسم في بيانه الرسمي.

المصدر: بوابة الوفد