عفت نصار: الأهلى يبيع زيزو في هذه الحالة
تاريخ النشر: 16th, November 2025 GMT
أكد عفت نصار نجم الزمالك السابق، أنه لم يحزن على أي لاعب راح الأهلى من الزمالك، والأهلى لو طلع من أفريقيا وخسر الدورى زيزو مش هيقعد في النادى.
وقال عفت نصار الذى حل ضيفا على الإعلامي عمر ربيع ياسين في برنامجه "مان تو مان": "مفيش لاعب راح الاهلى من الزمالك وزعلت عليه، الزمالك أكبر من أي حد، وإمام عاشور لاعب كويس جدا".
وتابع عفت نصار: "أحمد سيد زيزو بياخد 140 مليون ومن أول الموسم لم يفز الأهلى سوى 4 مباريات فقط واللاعيبة اتشتمت، وزيزو لم يقدم أي حاجة لأنه لعب 11 مباراة الأهلى كسب 4 بس".
وأوضح: "زيزو لو كان استمر في الزمالك كان يكون أسطورة لأن هذا تراكم عملت السنادى 5 السنة اللى بعدها 10 وهكذا، لكن زيزو راح نادى عنده رصيد إذا أنت مقدمتلوش هذا الرصيد ده مش هتكون كويس".
وتابع: "لو الأهلى السنة دى طلع من بطولة دورى ابطال أفريقيا وخسر الدورى، تفتكر زيزو هيفضل في الأهلى، إحنا بتوع نتائج، وأشرف بن شرقى لم يقدم المستوى المطلوب منه في الاهلى وأحمد عبد القادر أفضل منه ومن تريزيجيه في الشمال".
المصدر: صدى البلد
كلمات دلالية: الاهلي افريقيا زيزو عفت نصار
إقرأ أيضاً:
بتوع السمنة غلبونا.. تعليق صادم من نجم الزمالك بسبب حسام حسن
أكد عفت نصار نجم الزمالك السابق، أنه لم يستمتع حتى الآن بأى مباراة للمنتخب الوطني مع حسام حسن، وبطولة أمم أفريقيا الاختبار الحقيقى للتوأم.
وقال عفت نصار الذى حل ضيفا على الإعلامي عمر ربيع ياسين في برنامجه "مان تو مان": كل التوفيق لهم يا رب وبطولة أفريقيا الاختبار الحقيقى لهم مع المنتخب، لأن كل المباريات اللى فاتت مش معاك حد ولازم تقيس مستواك بفرق أقوى".
وأضاف نجم الزمالك السابق: "إحنا لاعبنا مباراة مع نيوزيلندا بتوع السمنة ولعبنا مع كرواتيا، المباراة الوحيدة اللى لعبنا فيه مع فرقة اتغلبنا فيه، لكن باقى الفرق اللى لعبنا معاهم في المتناول وأعتقد لو الأهلى أو الزمالك أو بيراميدز أو المصرى بيلعبوا المنتخبات دى هيكسبوها".
وتابع: "النظام الجديد أتاح لنا فرص كويسة أوى إنك تلعب مع تصنيف خارج التصنيف، فالطبيعى أنك توصل، سيب ده كله وتعالى في بطولة أفريقيا ونبدع، لو وصلنا إلى نصف النهائي أو النهائي أو رابع حتى أنا أؤيد أن يستمروا مع المنتخب".
وأوضح عفت نصار: "لم أستمتع بأي مباراة للمنتخب مع حسام حسن، أو بحس أننا بنقدم كورة، أو يمكن أن الفرق اللى قدمنا ضعيفة فمش بنظهر بشكل كويس، والمشكلة أن المكسب بيغطى على كل حاجة، وبنفضل محلك سر".
إشتباكات جديدة بين مسلحين وقوى الأمن في المجدل بالسويداء