تامر حسني يوجه رسالة مؤثرة لجمهوره: "الحياة دقات قلوب محدودة"

وجه الفنان تامر حسني رسالة مؤثرة لجمهوره، أكد فيها أن الحياة ما هي إلا عدد محدود من دقات القلب يجب الحفاظ عليها، شدد تامر على أهمية عدم إهدار الوقت في الزعل أو المشكلات غير المفيدة، مشجعًا الجميع على الاستمتاع بكل لحظة في حياتهم.

منشور تامر حسني 

 

كتب تامر حسني عبر حسابه بموقع تبادل الصور والفيديوهات القصيرة إنستجرام: ربنا سبحانه وتعالى بيخلقك ويديك هدية، هي مليار دقة قلب مثلًا لو هتعيش 75 سنة أو 80، شوف بقى، تقريبًا إنت ضيّعت منهم 2 مليار ونص خلاص، فتيجي بعد شوية تقول لنفسك: إيه ده؟ هل المواقف اللي عيشتها دي كانت مستاهلة أضيّع عليها من عمري كل الدقات دي.

 

وتابع:فإنت أو إنتِ من دلوقتي قول لنفسك هل القصة دي، أو الزعل ده، أو المشكلة دي، هتاخد من حياتي مثلًا 20 ألف دقة قلب؟ هل تستاهل؟.. المقصود إنك ما تضيّعش عمرك ودقات قلبك على حاجات ما تستاهلش، لأن الدقات اللي بتروح ما بترجعش تاني.

 

وأضاف: دايمًا بقول إن اللي صاحي دلوقتي والكلام وصله، أو وصله بعدين، يبقى فعلًا هو محتاج يسمع الكلام ده عشان يتقدّم ويغيّر في نفسه، لأن في حاجات حلوة مستنياه، وما يبصّش للماضي، عشان محدش هيعرف يمشي لقدّام وهو باصص لورا، أكيد هيقع أو هيمشي غلط بص قدّامك، ركّز في ورقتك، وحالك مش حال الناس، مستنيك نجاح كبير، روح له، ومتضيّعش وقتك ودقات قلبك في حاجات متستاهلش.

المصدر: بوابة الفجر