مروة عبد المنعم تتصدر التريند بعد تعرضها للسرقة من حسابها

تصدرت الفنانة مروة عبد المنعم، مؤشرات البحث عبر تريند «جوجل» ومنصات التواصل الاجتماعي خلال الساعات القليلة الماضية، بعدما كشفت عن سرقة مبلغ مالي من حساب المشتريات البنكي الخاص بها.

وكشفت مروة عبد المنعم، عبر حسابها الرسمي بموقع التواصل الاجتماعي «فيسبوك»، عن سرقة مبلغ مالي من حسابها البنكي، قائلة: «أنا في مشكلة ومحتاجة أهل الخبرة يفيدونى، دلوقتي اتعرضت لعملية سرقة، اكتشفت إن فيه حد سحب مبلغ كبير من فيزا المشتريات بتاعتي».

وأضافت مروة عبد المنعم: «الغريب إن الفيزا معايا طول الوقت، وتفاجأت إن البنك اتصل بيا وسألني إذا كنت عايزة أقسط المبلغ اللي اتسحب، لما قولتله إني ماسحبتش أي حاجة، أكد لي إن فيه مبلغ اتسحب من الفيزا، فورًا عملت شكوى ووقفت الكارت».

مروة عبد المنعم

وأشارت مروة عبد المنعم: «دلوقتى مش عارفة أعمل إيه عشان أعرف عملية السرقة دي حصلت إزاي، وإزاي ممكن حاجة زي دي تحصل، والكارت معايا، ومفيش حتى OTP وصلني على الموبايل، والبنك عايز مني أسدد المبلغ، وأنا عايزة أثبت إني ما سحبتش أي مبلغ، حد ممكن يفهمني إيه الإجراءات اللي ممكن أعملها؟!».

مروة عبد المنعم تتعرض لانتقاد في برنامجها

وفي وقت سابق، تعرضت مروة عبد المنعم، للهجوم الشديد من قبل متصلة، تدعى «عبير»، خلال حلقة برنامجها «تفاحة مصرية»، حيث قالت لها: «أنا عندي مشكلة مع الناس اللي بتشتغل مهنة تانية غير مهنتها، حضرتك مثلا شغالة مذيعة وأنتي ممثلة.. معرفش تيجي إزاي.. وأنا عندي 27 سنة وخريجة إعلام وقاعدة مبشتغلش عشان حضرتك واخدة مكاني».

وردت مروة عبد المنعم، على المتصلة، قائلة: «أنا قعدت هنا بتعبي، واشتغلت على نفسي 25 سنة، مشكلتك حاليًا انك اتخرجتي من إعلام ومش لاقية شغل فبتهاجمي أي حد، المفروض بدل الهجوم تدوري على حلول، مش تهاجمي نجاح الآخر، أنا اشتغلت على نفسي، وبقيت مذيعة بسبب تعبي، من غير ما أحقد على حد، لو كنتي إعلامية شاطرة كنتي تابعتي الحلقات قبل الحكم عليا، وأنا متأكدة دايمًا أن الشاطر هو اللي هينجح ويوصل».

اقرأ أيضا:

بعد غياب طويل.. «تيسير فهمي» تكشف سبب ابتعادها عن الشاشة خلال السنوات الماضية

شيرين عبد الوهاب تثير تفاعلا بأغنيتها «اللي يقابل حبيبي».. ومتابعون: «إمتى هترجعي؟»

بلاغ إلى مباحث الانترنت.. «ياسمين عبد العزيز» تتحرك قضائيا بعد نشر صور مسيئة لها

المصدر: الأسبوع