عصام الحضري يتحدث عن علاقته بـ مصطفى شوبير:«بحبه لكن مش بحب أبوه»

تحدث عصام الحضري، حارس الأهلي ومنتخب مصر السابق، عن قدرات وإمكانيات مصطفى شوبير، حارس المارد الأحمر الحالي، ومدى تأثره بوجود أحمد شوبير في الوسط الرياضي.

ويشارك مصطفى شوبير، خلال الفترة الجارية مع الفريق الأول لكرة القدم بالنادي الأهلي، خاصة في ظل تراجع وتذبذب مستوى محمد الشناوي في المباريات الأخيرة.

وقال عصام الحضري في تصريحات تليفزيونية:« مصطفى شوبير لديه مستويات مميزة، لكن هناك عقبات قد تعرقل مسيرته، وأنا بحبه لكن مش بحب أبوه وقولت الكلام ده قبل كدة».

وأضاف: «أنا بقول حب الناس، الناس هتحبك، أنت مش بتحب الناس الناس مش هتحبك، أنا بتكلم (بشكل عام) يعني مش هو».

وأكمل: «أنا بحب مصطفى كـ حارس مرمى وشخصية وحارس مختلف، جعان بيستنى الفرصة، أنا بحبه عشان كدة وبحب حارس المرمى اللي يكون كدة وده مش كتير».

وتابع: «ممكن مصطفى شوبير يوصل لمكانة كبيرة في حراسة المرمى لو قفل دماغه وركز، وممكن ميوصلش لو ضحية، حد بيدفع التذكرة وحاجات وخلافات قديمة مع ناس وجماهير وإعلاميين، مشاكل وفتنة بين الأندية والإعلام، فيصفوا حساباتهم معاه، وأتمنى ميكونش كدة».

المصدر: الأسبوع