فن وصية ميار الببلاوى لابنها وأخواتها وزوجها
تاريخ النشر: 23rd, July 2023 GMT
فن، وصية ميار الببلاوى لابنها وأخواتها وزوجها،نشرت الفنانة المعتزلة ميار الببلاوى تعليقا عبر حسابها على موقع التواصل الاجتماعى .،عبر صحافة مصر، حيث يهتم الكثير من الناس بمشاهدة ومتابعه الاخبار، وتصدر خبر وصية ميار الببلاوى لابنها وأخواتها وزوجها ، محركات البحث العالمية و نتابع معكم تفاصيل ومعلوماته كما وردت الينا والان إلى التفاصيل.
نشرت الفنانة المعتزلة ميار الببلاوى تعليقا عبر حسابها على موقع التواصل الاجتماعى فيسبوك تثير به حالة من الجدل الواسع حول وصيتها.
وعلقت ميار الببلاوى قائلة :"هذه وصيتى لابني واخواتي وزوجي".
واستعانت ميار الببلاوي بتعليق أحد متابعيها عن ختمة القرآن والعزاء حيث قالت : “أخيراً لقيت حد عارف معلومة ختمة القرآن و العزاء وكل العادات التقليدية اللي بتتعمل بعد الوفاة صح ولا غلط، والبوست ده هيفضل pin علي صفحتي لحد ما أموت”.
الحقيقة اللي كلنا عارفينها و متأكدين منها إننا كلنا ربنا كتبلنا إننا نموت فى ميعاد محدد غير معروف، وعشان كده كتبت الكلام ده لأنى محتاج حاجات معينه تتعمل و حاجات خايف تتعمل وأنا مش عايز حد يعملها لمجرد إنها معروفة، ووقتها طبعاً مش هعرف أقولها لحد.
شاهد هنا
ودي وصيتي
١) صلاة الجنازة أهم من العزا و هى إللى كل ما العدد زاد كل ما ثوابى ما كان أكتر، فأرجوكم تصلوا عليا. ٢) مش شرط تيجى العزا وياريت لو إتعمل فى البيت أو مكان بسيط بفلوسه تطلعولى صدقة جارية أفضل. ٣) من فضلكم لم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وإدعولى الوقت اللى هتقروا فيه جزء فضوا نفسكم وإقعدوا إدعوا فيه. ٤) بلاش صدقة جارية تقليدية وسهله ومش مستفاد بيها يعنى المصاحف كتير فى مصر اوى وكل بيت فيه كتير فممكن نحط الفلوس فى جامع بيتبنى أو كرسى متحرك فى مستشفى يستفادوا بيه المرضى أو دخول مياه لبيت غلابه أو بناء سقف لبيت فقراء، حاجات ناس تستفيد بيها لمدة طويلة.
٥) دى نقطة مهمة أوى بالنسبة ليا .. محدش يقول لحد بتعيط عليه لية، ومتعيطش عشان هو بيتعذب!! الكلام ده غلط، سيبوهم يعيطوا لحد ما يطلعوا كل الشعور اللى عندهم و مفيش حاجه بتقول إن العياط معناه عدم رضا بقضاء ربنا "وأبيضت عيناه من الحزن فهو كظيم". ٦) أهم حاجة تانى هى الدعاء وبس والصدقة. ٧) من فضلكم تكثفوا الدعاء وقت نزول القبر وتتصدقوا بأى حاجه بنية إن ربنا يجعل قبرى روضه من رياض الجنه ويثبتنى عند السؤال لأن دة أهم وقت ليا وياريت كمان بعد ما تدفنونى تقعدوا معايا شوية ومتستعجلوش تمشوا عشان تونسونى فى ليلة زى دى. ٨) الموت علينا كلنا حق وإحنا كلنا أمانات ربنا وهيردنا تانى، فالحزن على الفراق هونوه على نفسكم بالدعاء ليا عشان أبقى فى سعادة لحد ما أقابلكم تانى. ٩) اللي بيحبوني يدعولى كتير عشان لو مفيش حد يدعيلى. ١٠) ودى مهمة أوى أوى أوى كمان وهى إسألوا على حبايبي علطول وودوهم وخليكوا قريبين منهم وشيروا بوستات دينيه كتير من صفحتي .
“اللهم إن كثر موت الفجأة من حولي و كثر موت الشباب غفلة، ف يارب إن كنت أنا القادم فأحسن خاتمتي و يسّر طلوع روحي و هوّن عليّ سكراتي فإني أحب أن ارحل في هدوء و سكينة و طمأنينه، ولا تقبض روحي إلا و انت راضٍ عني لكي اكون عبداً مقبولاً لك و عِندك حتي أليق بلقائك العظيم و إن كان لي من العمر باقي فأغفر لي ذنوبي و معاصي نفسي الأمّارة بالسوء و أعفو عني و أمحو لي كل ما يعرقل طريقي إليك و ردّني إليك ردّاً جميلاً يارب العالمين”.
المصدر: صحافة العرب
كلمات دلالية: موعد عاجل الدولار الامريكي اليوم اسعار الذهب اسعار النفط مباريات اليوم جدول ترتيب حالة الطقس
إقرأ أيضاً:
كندة علوش تكشف أصعب لحظة في رحلة مرضها بالسرطان
فتحت الفنانة كندة علوش قلبها لتروي تفاصيل رحلتها مع مرض السرطان، مؤكدة أنها واجهت التجربة بقدر كبير من الصبر والسكينة والإيمان، رغم كل صعوباتها.
وخلال لقائها مع الإعلامية لميس الحديدي في برنامج كلمة أخيرة على قناة ON، سألتها الحديدي عن تلك الرحلة القاسية، فقالت كندة:"ربنا نزل عليّ سكينة ما كنتش أتخيلها، لما وصلت نتيجة الفحص على البيت وعرفت، حسيت بسلام غريب. حتى لما الطبيبة قالت لي إنها شاكّة في شيء مش كويس، مكنتش خفت... قلت عادي. أنا أصلاً مش من الناس اللي بتخاف على صحتها أوي."
وأضافت:"وقت ما تأكدت الإصابة، حسيت بتقبل تام ورضا، قلت لنفسي: ربنا كتب لي كده، وخلاص."
لكن كنده قالت : " لكن لحظة الالم ، كما وصفتها، لم تكن مرتبطة بنفسها فقط، بل عندما علمت بإصابة والدتها بالمرض في الوقت ذاته، لتقول:"أصعب لحظة كانت لما عرفت إن أمي كمان مصابة. ، مريت بأنتكاسة مرضية اثناء العلاج لكن رغم كده كنت بحاول أعدّي التجربة بسلاسة وربنا اداني سلام نفسي حقيقي، مكنش فيه نقطة سودا أو صدمة نفسية عنيفة أو شيء عملي " تروما " ."
وعن تأثير العلاج الكيماوي، أوضحت كندة:"شعري وقع جزء كبير منه، لكنه ما وقعش كله، كان خفيف. اشتريت باروكة بس ما لبستهاش."
وتحدثت كندة بامتنان عن دعم لميس الحديدي لها خلال فترة مرضها، قائلة:"نصايحك فضلت معايا طول الوقت، كنتِ خايفة عليّ جداً، لكن نصايحك كانت عملية ومباشرة، وده اللي أنا بحبه. قلتِ لي اعملي كذا وكذا، وبحب الطريقة دي، لأنّي مش بحب الصعبانيات ، أنا لو حد احتاجني أديه عيني، لكن لما أكون في موقف صعب، لام أقوم نفسي بنفسي. وإنتِ كنتي سبب في ده."
لترد عليها الحديدي بتأثر:"أنا مكنتش عاوزاكي تضعفي، كنت محتاجاكي قوية علشان تعدي، وكان ده أهم حاجة بالنسبة لي."
وختمت كندة حديثها برسالة مؤثرة، قائلة:"من وقتها، بقيت أعمل زيك، لما حد بيمر بنفس التجربة بكلمه وبقوله كل اللي اتقال لي، وبحاول أكون مصدر قوة ودعم ليه."
كلية التربية الرياضية تستقبل الجانب الألماني المشارك في مشروع الماجستير الدولي لذوي الهمم