نوستالجيا... أغنية تسببت في دخول محمد فوزي للمحكمة.. فما القصة؟
تاريخ النشر: 24th, June 2024 GMT
حياة النجوم مليئة بالإثارة والتشويق والأزمات التي لا ننتهي منها على مر العصور، ومن ضمن هذه الأزمة ترجعنا إلى زمن بعيد وهي يا مصطفى يا مصطفى، وما هي حكايتها وما هي سر الازمة؟
ويبرز الفجر الفني حكاية لغز محمد فوزي مع أغنية يا مصطفى يا مصطفى.
نبدأ لغز أغنية يا مصطفى يامصطفى التي اتغنت مرتين فى السينما المصرية، واحدة فى فيلم "الفانوس السحرى" لـ إسماعيل يس، ومرة تانية فى فيلم "الحب كده" بطولة صلاح ذو الفقار وصباح، واتعمل منها عشرات النسخ مترجمة للغات كتيرة، وفضلت مصنفة على أنها من أفضل 20 أغنية فى إنجلترا وفرنسا حوالى عشرين سنة.
وبعد رحلة بحث وصل إلى أن مؤلف كلمات أغنية "يا مصطفى يا مصطفى" هو عازف الجيتار الإيطالى ليوناردو اللى كان شغال فى مطعم اسمه سانت لوتشيا، وكان كل ما يشوف مصطفى داخل المطعم، وبما إنه كان زبون دايم، كان يحييه ويقول "يا مصطفى يا مصطفى.. أنا بحبك يا مصطفى"،
مصطفى كان موظف فى إسكندرية وبعدين استقال وجه القاهرة اشتغل فى شركة بيبسى كولا، وكان ساكن فى العطارين على بعد أمتار من ليوناردو، وبناء عليه كان بيستنى كل يوم لما يخلص شغله فى المطعم ياخده يروحه معاه فى الحنطور، ويدندن له ليوناردو الأغنية لحد باب البيت، بدل ما يدفع أجره.
بعد فترة اختفت أخبار ليوناردو ومصطفى وبدأت الأغنية تاخد شهرتها لما محمد فوزى قرر أنه يلحنها، ويطبعها على أسطوانات وهنا بدأت الأزمة اللى وصلت للمحاكم وقعدت فيها 20 سنة.
قصة أزمة محمد الكحلاوي ومحمد فوزيبدأت الأزمة عندما رفع المطرب محمد الكحلاوى قضية بيتهم فيها محمد فوزى أنه واخد لحن الأغنية من أغنيتين للكحلاوى هما "يا سلمى رجى" و"فضلك يا سايح المطر"، واللى اتقدموا فى الأربعينات.
طبعا تقرير المحكمة عمل أزمة لإنه مقدرش يثبت مين صاحب الحق، وفجأة دخل طرف تالت فى القضية، سخنها أكتر، وهو المطرب محمد البحر بصفته الحارس القضائى على تركة سيد درويش وطالب بتعويض 20 ألف جنيه ووقف الاسطوانات اللى بيطبعها فوزى، لأنها من ألحان سيد درويش.
فى الوقت نفسه بدأت المحكمة تدور على بوب عزام اللى غنى الأغنية يمكن يفصل فى الموضوع، فاكتشفوا إنه سافر أوروبا وهناك سجل أغنية "يا مصطفى يا مصطفى" لشركة إيدى باركلى ونسب لنفسه إنه مؤلف وملحن الأغنية،
فقدم الكحلاوى طلب للمحكمة بإنها تتحفظ على الإسطوانات اللى متسجل عليها الأغنية والمواد اللى بتستعمل فى إعادة طبعها، أما فوزى فرفع قضية ضد بوب عزام وطلب منع بيع إسطوانات الأغنية اللى طبعتها شركة إيدى باركلى بحجة إن فوزى هو صاحب الحق الوحيد فى طبع الاسطوانات.
فضلت القضية موجودة في المحكمة، لحد ما مات فوزى سنة 1966، وهنا رفع الكحلاوى قضية على الورثة عشان ياخد تعويض 150 ألف جنيه، بس اللى حصل إن المحكمة مقدرتش تفصل فى القضية ومين صاحب اللحن الأصلى، وفضل الكحلاوى متمسك بحقه وبالقضية لحد ما مات سنة 1982 ومحدش برضه قدر يفصل لحن الأغنية بتاع مين بالظبط.
المصدر: بوابة الفجر
كلمات دلالية: أغنية يا مصطفى يا مصطفى الفجر الفني نوستالجيا
إقرأ أيضاً:
ردي كان بيئة.. إيمي سمير غانم تعلق على منتقدي إطلالتها الأخيرة
علقت الفنانة إيمى سمير غانم على منتقدى إطلالات الفنانين بشكل دائم ، خاصة بعد ردها على مصممة ازياء انتقدت اطلالتها الأخير فى مهرجان البحر الأحمر.
وقالت إيمى سمير غانم خلال لقائها مع et بالعربي ، “انا بزعل اوى لأنهم مش بيبقوا فاهمين ان الشخص فرحان ان هو شكله حلو وعامل مجهود عشان يطلع بشكل مختلف وانا دايما بلبس اسود واليوم اللى ألبس فيه فوشيا واحدة تقولى اللون مش مناسب خالص ولا الشكل والإطلالة ، مين هى دى وكمان لقيتها بتنتقد فى ياسمين صبري وياسمين قمر اصلا وانقديني لو انا عملت دور مش عاجبك او لبست لبس غريب لكن انا لابسة فستان عادى واديها اخدت اللى فى النصيب ”.
واستكملت ايمي: “كان ردي بصراحة بيئة لكن كنت مضطرة انى ارد وانا بس اللى كدة لان دنيا اختى استحالة ترد وبتقولي عيب بس انا لازم ارد غصب عني ”.
وعلقت الفنانة إيمي سمير غانم على الشائعات التي انتشرت مؤخرًا حول انفصال شقيقتها دنيا سمير غانم عن زوجها الإعلامي رامي رضوان، مؤكدة أنها لا صحة لها.
وقالت إيمي "في صفحة غير مصرية نشرت أنهم اتطلقوا، وكنت نفسي أرسل رسالة أسألهم ليه؟ والراجل قاعد في البيت عادي بيتفرج على نتفليكس. كل هذا كلام غير حقيقي، الناس بتحب تنشر إشاعات، وإحنا متعودين".
مسلسل عقبال عندكوا
وشاركت ايمي سمير غانم فى ماراثون رمضان الماضي بمسلسل “عقبال عندكوا” الذى حقق نجاحا كبيرا.
مسلسل عقبال عندكوا يشارك فى بطولته إلى جانب إيمى سمير غانم وحسن الرداد كل من: محمد ثروت، إنعام سالوسة، عارفة عبد الرسول، علاء مرسي، وحجاج عبد العظيم، سليمان عيد ومن تأليف أحمد سعد والي وعلاء حسن وإخراج علاء إسماعيل ومن إنتاج أحمد السبكي.
حماد: ليبيا ترفض الإملاءات اليونانية وتتمسّك بحقوقها البحرية