أول ناس تطعنك في ضهرك.. صدمة منة فضالى فى عشرة عمرها

نشرت الفنانة منة فضالى تعليقا عبر صفحتها على موقع التواصل الاجتماعى “فيسبوك” تكشف فيه عن تعرضها إلى صدمة بسبب أذى شخص لها. 

وقالت منة فضالى: “إوعى تصدق بدالصداقة وعشرة العمر إوعى.. دول أكتر ناس غدارة ومؤذية وأول ناس تطعنك في ضهرك.. كلمة عشرة العمر دي بقيت كتير على اللي يستاهلها.. العيش والملح مبقاش ليهم مكان في الزمن ده كله بتاع مصلحته”.

 

وأضافت: “بس اللي يحزن لما تكون مآمن ومش مخون وده ناتج إنك متربي كويس أوي بس اللي قدامك أصفر وسواد من جواه لأن هما كده أصلا بس مكناش شايفينهم.. اللي عاوزه أقوله إني أكتر حد اتخم في اللي حواليه واللي كنت فاكرهم أصحاب هما أكتر ناس وجعوني وآذوني”. 

وأوضحت منة فضالى: “بس أنا مش حتغير حفضل زي ما اتربيت جدعة وصادقة ونضيفة وأبيض ومهما كان اللي حواليا عمري ما حتغير حفضل منة.. وربنا كبير أوي وكله مردود.. الحمد لله على نعمة التصالح مع النفس واكتفاء الذات”. 

اعتذار منة فضالى 

اعتذرت الفنانة منة فضالي عن حضور حفل جوى أورد في الرياض.

وكتبت عبر حسابها على فيسبوك: “لظروف خارجة عن إرادتي حقيقي لأني بصور من امبارح ومخلصة تصوير النهارده مقدرتش أسافر  Joy awards، بعتذر جدا جدا لعدم حضوري حقيقي، شكرا على الدعوة من الأساس، أعتذر بشد  معالي المستشار ترك الشيخ وهيئة الترفيه وحقيقي كان نفسي جدا أكون موجودة”.

من ناحية أخرى، استنكرت الفنانة منة فضالي ما تردد حول بتر ساقها، وهو الأمر الذى تسبب فى حالة إزعاج شديد لها ولأسرتها، ما دفعها للرد بقوة على كل من أصدر هذه الشائعة.

وقالت منة فضالي، عبر حسابها على موقع التواصل الاجتماعي “إنستجرام ”: “يعني أما أصحى على خبر زي ده المفروض أعمل إيه صفحة غريبة مغمورة وخبر غريب برضه إيه الهيافة والهبل ده علشان حد يعبركم وتعملو مشاهدات تكتبو خبر زي ده منكم لله”.

صديق ماهر عصام يكشف تفاصيل اللحظات الأخيرة في حياتهريهام حجاج وبشرى ونادية الجندي وسميحة الخشاب على شاشة صدى البلدبعد أنباء انفصالها.. داليا مصطفى تكشف حقيقة طلاقها من شريف سلامة وخداعهامرض والدة منة فضالي 

فاجأت منة فضالي، جمهورها بالكشف عن إصابة والدتها بالسرطان، خلال منشور عبر حسابها الشخصي بمنصة "إكس".

وكتبت منة فضالي، "سنة كان فيها الحلو والوحش برضو بس دايما بقول الحمد لله على كل حاجة تيجي.. بس دايما لازم يكون عندنا أمل في الحياة مهما كان اللي بنمر بيه دايما نقول يا رب وربنا كبير.. ممكن ظروفنا مش شبه بعض وحياة كل شخص غير التاني بس في الآخر كلنا واحد وإحنا اللي بنغير وبنختار حياتنا اللي إحنا عاوزنها".

وأضافت: "اللي عاوزة أقوله من كل ده إن مفيش حاجة حتتغير غيرنا إحنا بنموت وبيتولد غيرنا في مجتمع وتفكير تاني غيرنا نحاول نحمد ربنا على أي حاجة ربنا مديهالنا.. أنا بالبنسبالي كانت سنة فيها شغل آه وسفر وحاجات كتير".

وتابعت: "بس كان فيها أوحش حاجه إن أمي جالها سرطان وعشت فترة صعبة برغم إنها كانت في المستشفى كنت بصور في نفس الوقت ومكنتش بنام يعني في الآخر الحمد لله على كل شيء".

وقالت: "كل سنة وانتم طيبين وسنة سعيدة عليكم يا رب وعلى كل أحبابكم وكل اللي نفسه في حاجة تتحقق يا رب.. شكرا لكل حد وقف جنبي أو ساعدني من بعيد أو قريب".

واختتمت: "شكرًا لكل الناس اللي اشتغلت معاهم ويا رب دايما أكون عند حسن ظنكم في شغلي.. شكرا لجمهوري والفانز والإعلاميين وكل الناس اللي بتشجعني دايما".

من جهة أخرى، تشارك الفنانة منة فضالي، في رمضان 2025، في بطولة مسلسل "سيد الناس"، مع نجم العمل عمرو سعد، والمخرج محمد سامي.

المصدر: صدى البلد