شوبير يعلق على اختيار مدرب منتخب مصر الأولمبي الجديد: إحنا كده كده بنخسر
تاريخ النشر: 20th, October 2025 GMT
علق الإعلامي أحمد شوبير حارس مرمى الأهلي ومنتخب مصر السابق على قرار اتحاد الكرة باختيار المدير الفني لمنتخب مصر الأولمبي الجديد.
وقال أحمد شوبير عبر تصريحات إذاعية : “خلونا نكون أمناء شوية، ما هي العلاقة بين الكابتن علاء نبيل واللجنة الفنية؟ إيه صلاحيات كل منهما..؟ هل هو بيرشح ليهم ولا هما بيرشحوا له.
وأضاف شوبير :"وهل لما يختاروا المدرب الجديد، اتحاد الكرة والمهندس هاني أبوريدة ريدة مش هيكون لهم رأى..؟، يعني باختصار من الذي سيختار في النهاية ويأخذ القرار؟".
وأوضح شوبير: “أنا عندي مدير فني لاتحاد الكرة يبقى أمنحه صلاحياته كاملة، وهل الجهاز الفني مثلا اللي مع كابتن حلمي طولان في منتخب مصر الثاني اللجنة الفنية هي اللي اختارته، ولا كان فيه ناس قالوا ده صاحبنا وده حبيبنا ومش عارف أيه..؟!، أنا بقول لك أهو بوضوح شديد لو فيه حد مش كويس مشيه ولو فيه حد بره كويس وقصرت في حقه هاته”.
وأكمل :"اعملوا كده يا جماعة عشان ننجح الفترة اللي جاية، وفكروا في مدربين جداد، ما هو احنا كده كده بنخسر، فكروا في ولاد صغيرين يقدروا يعملوا حاجة كويسة والله نقدر صدقوني لازم ده اللي يحصل الفترة اللي جاية تعبنا وزهقنا من تكرار الأسماء".
واختتم شوبير: موضوع خدنا المدرب ده من الأهلي يبقى المدرب اللي جاي من الزمالك سياسة قديمة، عايزين نشتغل صح بقه كفاية، الناس هتفضل تقول لك شوف المغرب اه شوف وفي الاخر اختار صح".
المصدر: صدى البلد
كلمات دلالية: الإعلامي أحمد شوبير أحمد شوبير الأهلي اتحاد الكرة أحمد شوبیر
إقرأ أيضاً:
آلاف المريدين .. شوبير يعلق على احتفالات مولد السيد البدوي
علق الإعلامي أحمد شوبير، نجم النادي الأهلي السابق، على احتفالات الليلة الكبيرة في ختام مولد السيد البدوي بطنطا، بحضور الآلاف من المُريدين والزائرين.
وكتب شوبير عبر منصة «إكس»: «صباح الفل جميعا تعليقا على ردود الأفعال على حضور مليون شخص أو يزيد مولد السيد البدوي أحب بس أوضح باعتباري طنطاوي جدا إن ده العادي بتاع مولد السيد البدوي من زمان أوي وإننا من صغرنا كنا بنحتفل بالمولد مع ضيوف من بلاد كتير أوي منهم من دول مجاوره وإن يومين المولد دول هما أهم يومين تقريبا لطنطا كلها لأن كل محلات الحلويات وغيرها تقريبا بيكون المولد أهم مصدر لها على مدار السنة كلها مع بعض المناسبات الدينية الاخرى زي مولد النبي بالمناسبة».
وأضاف: «كمان كنا بنستنى تاني يوم المولد موكب الخليفة ونرمي عليه ورد وكان بيبقى يوم فرح في طنطا وكان المنشدين وكبار قراء القرآن الكريم وعلى رأسهم أبناء محافظة الغربية الشيخ محمود الحصري والشيخ سيد النقشبندي والشيخ مصطفى إسماعيل وغيرهم من عظماء التلاوه كلهم كانوا بيحيوا المولد ف طنطا والأكتر من كده أن السفير الأمريكي وعدد من السفراء الأوربيين كانوا دايما من أوائل الحضور للمولد كظاهرة اجتماعية واقتصادية ودينية جميلة».
https://x.com/ShobierOfficial/status/1979405461968318832
وتابع: «وعلى فكره كنا كطنطاوية بنكون فرحانين جدا بالعدد المليوني اللي بيحضر كل سنه لأن الخير كان بيبقي للمحافظة كلها والأكتر من ذلك أن الرئيس السادات عليه رحمة الله كان معروف أنه كان بييجى صلاة الفجر أحيانا في مسجد السيد البدوي وده شيء معلوم للجميع أخيراً اللي مخلي الناس مستغربين المرة دي أن المولد كان توقف لفتره مش قليلة بسبب الأحداث وبعدين الكورونا وبالتالي لما رجع الناس كان واحشها المولد واللمه وحلويات طنطا والشيخ ياسين التهامي وأولاده وكرم الطنطاوية المشهود».
وأتم شوبير تدوينته قائلًا: «آدي كل الحكايه طبعا مع تحفظي على بعض الحاجات اللي شفناها ودي غريبة تماما على مولد السيد البدوي بصرف النظر عن رأي البعض في السيد أحمد البدوي وأختلافهم أو اتفاقهم عليه وكل سنه وانتم جميعا طيبين».
مسير راجل ووقفة في سنحان بالذكرى الثانية لعملية طوفان الأقصى