«منظومة كارثية».. ضياء السيد يهاجم دفاع الأهلي بعد مباراة الاتحاد بالدوري «فيديو»

وجه ضياء السيد، نجم الأهلي السابق، انتقادات حادة لأداء الفريق الأول لكرة القدم بالنادي خلال المباريات الأخيرة، خاصة على مستوى الخط الدفاعي، مؤكدًا أن المنظومة الدفاعية تعاني بشكل كبير وتحتاج إلى تدعيم عاجل خلال فترة الانتقالات الشتوية في يناير.

منظومة دفاعية كارثية

وقال ضياء السيد في تصريحات تليفزيونية عبر شاشة «النهار»: «أداء الأهلي في مباراة الاتحاد السكندري مكنش أفضل حاجة بيمر بفترة منظومة دفاعية كارثية على مستوى الجماعة وعلى مستوى الأفراد».

وأضاف: «أرى إن الأفراد قليلين جدًا على النادي الأهلي خاصة في قلب الدفاع، بشوف إنهم مش أحق حاجة يبقوا موجودين، لإن الكارثة واضحة والراجل اتكلم فيها في المؤتمر الصحفي، وأنا معاه في الكلام اللي قاله إن الهجوم الكويس ممكن يكسبك بطولات ولكن الدفاع يكسبك بطولات».

وتابع ضياء السيد: «الأهلي أبرم صفقات قوية على مستوى الهجوم، ولكنه لم يدعم على مستوى الدفاع واللي موجودين مش كويسين على المستوى الجماعي ولا الفردي ميشيلوش النادي الأهلي».

صفقات جديدة في يناير

وواصل: «لازم الأهلي يدعم صفوفه في قلب الدفاع في يناير اللي جاي، كل اللي موجود واللي جيه أقل من النادي الأهلي، والعش وبيكهام وياسين مرعي أقل من الأهلي، مفيش غير ياسر إبراهيم بفضل خبراته ولكن الراجل مش هيلعب لوحده».

وأتم ضياء السيد تصريحاته قائلًا: «مشكلة الأهلي في خط الدفاع مش هتتحل غير بلاعبين أجانب، وأشرف داري مش هينفع يكمل بسبب كثرة الإصابات».

المصدر: الأسبوع