مروة صبري لـ دينا الشربيني: مبتلاقيش إلا الرجل المتزوج وتحبيه.. بقيتي «خرابة البيوت»

هاجمت الإعلامية مروة صبري، الفنانة دينا الشربيني عقب تداول أنباء عن ارتباطها بالفنان كريم محمود عبد العزيز، و انفصاله عن زوجته آن الرفاعي.

وقالت الإعلامية مروة صبري في برنامجها قعدة ستات: « الموضوع دا يزعل أوي من حق كل واحد أنه يحب ويتحب وينهار في العواطف والغرام لكن مش من حق حد أنه يخرب بيت حد، أوحش حاجة لما تلاقي ست بتحب راجل متجوز ومستقر وعنده أولاد بيحبوه وبيحبهم وزوجته الأولى».

وأضافت: «كان في قصة حب بتجمعهم من وهما صغيرين من وهو لسه بيبدأ يطلع ويقول يا هادي في الوسط الفني كانت واقفة معاه وفي ضهره بنت كويسة وبنت ناس محترمة، ونفاجأ أن كريم محمود عبد العزيز دخل في قصة حب مع دينا الشربيني والقصة اتقفلت ورجع لمراته تاني والناس سقفت وقالت برافو، وفجأة يرجع تاني لدينا الشربيني والموضوع يتقال قصاد الناس كلها ومحدش يفرق معاه حاجة خالص وأن البيت يتخرب يتخرب»

كريم محمود عبد العزيز ودينا الشربيني

وتابعت مروة صبري:«ضاقت بيكي الدنيا يا دينا؟! سيبتي كل الرجالة اللي مش متجوزين وروحتي للراجل اللي عنده بيت وولاد ومراته بتحبه؟! ده مش أول مرة يحصل كده، كل شوية نسمع إنك داخلة في علاقة مع حد متجوز!" كل ما تشتغلي مع فنان، تطلع إشاعة إنك مرتبطة بيه، وبقي اسمك دايمًا مرتبط برجالة متجوزين!».

دينا الشربيني

وواصلت مروة صبري هجومها، مشيرة إلى أن مثل هذه التصرفات تؤذي نساء أخريات وتدمر أسر مستقرة، قائلة: «مفكرتيش إنك بتبني حياتك على تعاسة ست تانية؟! مفكرتيش في قهرها وحزنها؟ في بناتها اللي بيشتموكي على السوشيال ميديا؟ مفيش حاجة هزتك من جواكي؟!».

وفي ختام حديثها، وجهت مروة صبري رسالة قاسية للفنانة دينا الشربيني، قائلة: «الفن مش بس تمثيل وكاميرات، الفن أخلاق واحترام لما الناس تحبك عشان موهبتك، حافظي على حبهم ده، وما تخليش شائعات العلاقات تخطف منك احترام الجمهور».

مروة صبري ودينا الشربيني تفاصيل ارتباط دينا الشربيني وكريم محمود عبد العزيز

بدأت القصة بتداول أنباء عبر مواقع التواصل الاجتماعي بعودة الفنانة دينا الشربيني للفنان كريم محمود عبد العزيز بعد أشهر قليلة من مشاركتهما في بطولة فيلم «طلقني»

وأعلن كريم محمود عبد العزيز مساء يوم الاثنين، انفصاله رسمياً عن زوجته آن الرفاعي، بعد سنوات طويلة من الزواج، نافيا أن يكون لأحد يد في موضوع الطلاق والتفرقة بينهما.

ونشر كريم محمود عبد العزيز بيانا عبر حسابه الشخصي على «إنستجرام»، جاء فيه: «الطلاق شرع ربنا.. أكن لأم بناتي كل الاحترام والتقدير، مهما حصل هتفضل أم بناتي وأنا أبوهم، حاولنا سنين كتير إن الحياة تستمر وفشلنا، وده مش معناه أبداً إن فيه حد فينا يعيبه شيء، لكن في علاقات كتير بتنتهي لأن ربنا كاتبلها كده».

وأضاف كريم محمود عبد العزيز: «بينتهي بكل ود وحب واحترام متبادل بين الطرفين، أكيد ماكنتش أحب أوصل للحل ده لكن إرادة ربنا ومفيش أي شخص جت سيرته مؤخراً وماكنتش أفضل تماما أتكلم عن حياتي الشخصية احتراما لكل الأطراف، لكن تقديرا للجمهور اللي يهمه أمري وجب التوضيح».

اقرأ أيضاًفجر السعيد: ليش الردح اللي صاير على دينا الشربيني.. أنها حبت كريم؟ الحب مش غلط ولا حرام

تبادلا إلغاء المتابعة على «السوشيال ميديا».. .دينا الشربيني ومي عمر تتصدران الترند

بعد وصفها لـ دينا الشربيني بالساحرة.. تاليا تامر حسني تعتذر بهذه الطريقة

المصدر: الأسبوع